बिहार विधानसभा चुनाव 2025 केर मद्देनजर मतदाता सूची गहन पुनरीक्षण कार्य हेतु बूथ स्तरीय पदाधिकारीक लेल गहन प्रशिक्षण कार्यक्रम आयोजित कयल गेल।
राजनगर प्रखण्ड मुख्यालय स्थित टीपीसी भवनमे आयोजित बीएलओ एवं सुपरवाइजरक लेल आयोजित एहि प्रशिक्षणक माध्यमसँ 1 जुलाई 2025 केँ अहर्ता तिथिक आधार पर मतदाता सूचीक विशेष गहन पुनरीक्षण कयल जयबाक अछि। एहि प्रशिक्षणमे प्रशिक्षक द्वारा बताओल गेल कि कोन तरहें बीएलओ द्वारा मतदाता सभक घर-घर जा कय सभ मतदाताक बारेमे आस्वस्त भऽ जयबाक अछि कि मतदाता सूचीमे प्रविष्ट नामक मतदाताक बारेमे अंकित सभ तथ्य सही अछि आ मतदाता मौजूद अछि कि नहि ?
जँ 1 जुलाई 2025 केँ कोनो युवा वा युवती 18 साल उम्रक भऽ जायत तऽ हुनक नाम फॉर्म 6 केर माध्यमसँ नाम मतदाता सूचीमेंअंकित कऽ जयबाक अछि।
ई प्रशिक्षण राजनगर विधानसभाक अंतर्गत राजनगर प्रखण्डमे अवस्थित 202 मतदान केंद्र पर तैनात 202 बी एल ओ एवं 20 सुपरवाइजरक लेल चारि पालीमे आयोजित कयल गेल। एहि प्रशिक्षणमे प्रखण्ड विकास पदाधिकारी सह सहायक निर्वाचन निबंधन पदाधिकारी राजनगर प्रभात रंजन, अशोक कुमार एवं ब्रह्मदेव कुमार उपस्थित छलथि।
