आम आदमी पार्टीक राष्ट्रीय संयोजक अरविंद केजरीवाल बुधदिन गोपाल इटालिया आ संजीव अरोड़ाकेँ विधायक बनला पर बधाई देलनि। एहि दौरान पंजाबमे नशाक खिलाफ भऽ रहल कार्यवाही पर ओ कहलनि जे तस्कर छोट होय वा पैघ, ओकरा नहि बख्शल जाएत।
अरविंद केजरीवाल कहलनि, “आम आदमी पार्टी स्वच्छ राजनीति करय लेल आयल अछि। दुनू नेता समाजक लेल काज कयने छथि। एक समय छल जखनि कहल जाइत छल जे नीक लोककेँ राजनीतिमे नहि आबय केर चाही, आम आदमी पार्टी एहि धारणाकेँ तोड़ि देलक अछि। राजनीतिमे मेहनत करय पड़ैत अछि, देशक जनता स्वच्छ राजनीति चाहैत अछि। जाहि तरहक जीत अछी से अद्भुत अछि। पंजाबमे दू साल बाद चुनाव भेल अछि। एहि विधानसभामे हमरा सभकेँ पिछला बेरक मार्जिनसँ बेसी वोट भेटल अछि।
अकाली नेता बिक्रम मजिथियाकेँ गिरफ्तारीक बीच पंजाबमे नशा केर खिलाफ कार्यवाही पर अरविंद केजरीवाल कहलनि जे, पंजाबमे नशा केर खिलाफ अभियान चलि रहल अछि आ दिल्ली-हरियाणामे नशाक बिक्री भऽ रहल अछि, मुदा पंजाबमे नशा पर जाहि तरहक हमला भऽ रहल अछि आ पैघ तस्कर पकड़ल जा रहल अछि, ओतय बुलडोजर चलाओल जा रहल अछि, जे पंजाबकेँ ड्रग्समे धकेल देलक ओ सरकार छल।”
एहि दौरान केजरीवाल गुजरातक राजनीतिक गप सेहो कयलनि। ओ कहलनि जे गुजरातक जनता व्यथित अछि आ गुजरातक जीत 2027 केर चुनावक संकेत अछि। गुजरातक जनता लग कोनो विकल्प नहि छल, मुदा आम आदमी पार्टी आब विकल्प अछि। कांग्रेस कोनो विकल्प नहि अछि, बल्कि ई भाजपाक गोदीमे अछि। गुजरातमे आम आदमी पार्टीकेँ धोखा देल गेल।
ओ कहलनि जे आम आदमी पार्टी हमेशा नशाक दुरुपयोग आ भ्रष्टाचारक प्रति शून्य सहनशीलता नीति अपनाबैत रहल अछि। हमर पार्टी पूर्ण ईमानदार लोकक पार्टी अछि। चाहे कियो हमर पार्टीक होय वा कोनो दोसर पार्टीक, जँ कियो किछु गलत करैत अछि तऽ ओकरा नहि बख्शल जायत। अरविंद केजरीवाल, भगवान मान आओर हमरा सभक एकटा मिशन अछि जे जँ कियो नशा पसारत वा गलत काजमे फँसि जायत तऽ ओकरा बख्शल नहि जायत।”
