अदानी ग्रुपक अध्यक्ष गौतम अदानी मंगलदिन कहलनि, लगातार जांचक बावजूद समूह कहियो पाछू नहि हटल। बल्कि हम सब साबित कऽ देलहुं जे सच्चा नेतृत्व रौदमे नहि संकटक आगिमे गढ़ल जाइत अछि।
अदानी इंटरप्राइजेज लिमिटेड केर वार्षिक आम बैठक (एजीएम) केँ संबोधित करैत अरबपति उद्योगपति कहलनि, “हम एकटा ऐहन दुनियामे जी रहल छि, जतय नकारात्मकता अक्सर सच्चाईसँ ज्यादा गुंजायमान होइत अछि। हम कानूनी प्रक्रियाकेँ संग सहयोग करैत छी।
समूह स्तर पर समेकित आंकड़ाक मामिलामे राजस्वमे 7 फीसदी, ईबीआईटीडीएमे 8.2 फीसदी आ शुद्ध ऋण-ईबीआईटीडीए अनुपात 2.6 गुना स्वस्थ रहल। कुल राजस्व 2,71,664 करोड़ आ समायोजित ईबीआईटीडीए 89,806 करोड़ रूपया रहल।
गौतम अदानी कहलनि, “हमर सब व्यवसायमे पूंजी निवेश सब रिकॉर्ड तोड़यवाला अछि। हम अगिला पांच साल लेल 15-20 अरब डॉलरक वार्षिक कैपेक्स खर्चक उम्मीद करैत छी। ई खाली हमर समूहमे निवेश नहि अछि, बल्कि हमर समूहक क्षमतामे निवेश अछि। जाहिसँ भारतक बुनियादी ढांचाक निर्माणमे योगदान भेटत।”
गौतम अदानी कहलनि, “ठीक तीन साल पहिने हमर 60म जन्मदिन पर हमर परिवार भारतमे स्वास्थ्य सेवा, शिक्षा आ कौशल विकासकेँ नव परिभाषित करय लेल 60 हजार करोड़ रुपयाक वचन देलक। अदानी हेल्थकेयर मंदिर हमर पहिल पैघ डेग अछि। अहमदाबाद आ मुंबईमे विश्वस्तरीय, सस्ता 1000 बेड वाला कैंपस, मेडिकल कॉलेज, रिसर्च सेंटर आ वेलनेस स्पेस केर संग।”
सब एक संग एकीकृत अछि। ‘मेयो क्लिनिक’ भविष्यक लेल तैयार, एआई संचालित, रोगी-पहिल स्वास्थ्य देखभाल पारिस्थितिकी तंत्रक निर्माणक लेल हमर मार्गदर्शन करयमे हमर भागीदार अछि। ” समूह मुंद्रामे विश्वस्तरीय कौशल विश्वविद्यालय आ फिनिशिंग स्कूलके निर्माण लेल 2000 करोड़ रुपया केर प्रतिबद्धता जतैने अछि, जकरा पूरा भारतमे युवाकेँ सशक्त बनाबय लेल डिजाइन कयल गेल अछि।
अदानी कहलनि, “स्कूल ऑफ एक्सीलेंस, ग्लोबल सर्टिफिकेशन आ आईटीईएस सिंगापुर आ आईजीसीसी सन लीडर्स केर संग साझेदारीक माध्यमसँ हमर लक्ष्य अछि कि उद्योग लेल तैयार कार्यबल पैदा कयल जाय ।
ओ कहलनि जे हम महाकुंभ मेलामे हमर सबहक भागीदारीक गप करय चाहब, जतय 65 करोड़सँ बेसी लोक अजनबीक रूपमे नहि, बल्कि एक उद्देश्य आ दिलक धड़कनसँ एक संग आयल छलाह। इस्कॉनक संग-संग अदानी समूह महाप्रसाद सेवा कय शुरुआत कयलक, जाहिमे लाखों भक्तकेँ मुफ्त महाप्रसाद परोसल गेल। हमर 5000 सँ बेसी कर्मचारी स्वेच्छासँ काज कयलथि, जे हमर मूल्यकेँ दर्शाबैत अछि।”
अदानी ग्रुपक अध्यक्ष कहलनि, त्रिवेणी संगममे हमरा अपन परिवारक संग पवित्र गंगा आरती करबाक गौरव भेटल आ अदानी ग्रुपक लेल एहि आयोजनक हिस्सा बनब जीवनक सबसँ भावुक दिनमे सँ एक छल।
ओ कहलनि जे हम कंक्रीट नहि बिछा रहल छी, हम सब विश्वास पैदा कय रहल छी, महत्वाकांक्षाकेँ लऽ कऽ चलय वाला राजमार्गमे, आशाकेँ लऽ कऽ जायवला बंदरगाह आ भविष्यकेँ रोशन करय वला ग्रिडमे।
ओ आगू कहलनि जे इतिहास हमरा सभकेँ स्मरण करबाक चाही। जाहि बाजारमे हम सब प्रवेश कयलहुं ताहि लेल नहि, बल्कि ओहि आंधी-तूफान लेल जे हम सब सामना कयलहुं आ मजबूतीसँ उभरलहुं, कियाकि रौदमे नेतृत्व करब आसान अछि, मुदा संकटक सामना करैत सच्चा नेतृत्व गढ़ल जाइत छैक।
