बागेश्वर धामक प्रमुख धीरेन्द्र शास्त्रीकेँ भेटल मारबाक धमकी

आरोपी बिहारक पटनासँ गिरफ्तार
*
छतरपुर
*
धीरेन्द्र शास्त्रीकेँ धमकी देबाक आरोपी बिहारक नालंदा जिलाक शंकरडीह क्षेत्रक निवासी अछि। पुलिसक अनुसार, आरोपी एकटा फर्जी ईमेल आईडीसँ बागेश्वर धामक आधिकारिक ईमेल आईडी पर धमकीक संदेश पठौलक।
छतरपुर पुलिस इंटरपोलक मददसँ ई-मेल के माध्यमसँ बागेश्वर धामक प्रमुख धीरेंद्र शास्त्रीकेँ कथित रूपसँ जानसँ मारय केर धमकी देबय केर आरोपमे एकटा व्यक्तिकेँ गिरफ्तार केलक अछि। पुलिस कहलक जे लॉरेंस बिश्नोई गिरोहसँ जुड़बाक दावा करयवला एकटा व्यक्तिकेँ धीरेन्द्र शास्त्रीसँ १० लाख टाकाक फिरौती माँगबाक आरोपमे गिरफ्तार कयल गेल अछि। एहि व्यक्तिकेँ बिहारक राजधानी पटनासँ गिरफ्तार कयल गेल अछि।

पुलिसक अनुसार धीरेन्द्र शास्त्रीकेँ धमकी देबाक आरोपी बिहारक नालंदा जिलाक शंकरडीह क्षेत्रक निवासी अछि। पुलिसक अनुसार, आरोपी एकटा फर्जी ईमेल आईडीसँ बागेश्वर धामक आधिकारिक ईमेल आईडी पर धमकीक संदेश पठौलक।

ईमेलक बाद २० अक्टूबर, २०२३ केँ बामीठा पुलिस स्टेशनमे अज्ञात अभियुक्तक विरुद्ध आईपीसीक धारा ३८७ आ ५०७ क तहत मामला दर्ज कयल गेल अछि।
२२ अक्टूबर, २०२३केँ ओही व्यक्तिसँ एकटा आओर मेल भेटल जकर आईपी केर पुलिस इंटरपोलक सहायतासँ पीछा कयलक, जाहिसँ अंततः अभियुक्तकेँ गिरफ्तार कयल गेल। छतरपुर केर पुलिस अधीक्षक अमित सांघीक नेतृत्वमे जांच दलमे अतिरिक्त पुलिस अधीक्षक विक्रम सिंह, एसडीओपी खजुराहो सलिल शर्मा, थाना प्रभारी बमिठा निरीक्षक जयवंत काकोड़िया, उपनिरीक्षक संजय पांडेय आ साइबर सेल प्रभारी छतरपुर उप निरीक्षक शामिल छलाह। एहि मामलाक जाँचक लेल निरीक्षक सिद्धार्थ शर्माकेँ नियुक्त कयल गेल अछि।

पुलिस कहलक जे आरोपी एखनि न्यायिक हिरासतमे अछि आ जाँच चलि रहल अछि। ई पहिल बेर नहिं अछि जखन धीरेन्द्र शास्त्रीकेँ जानसँ मारबाक धमकी भेटल अछि। एहि साल सितम्बरमे उत्तर प्रदेशक एकटा व्यक्ति बागेश्वर धामक प्रमुखकेँ धमकी देने छल। पुलिस ओकरा गिरफ्तार कए लेने छल।