ट्रंप प्रशासनक इमिग्रेशन कारवाईक खिलाफ प्रदर्शन तेज भऽ गेल अछि। एहि समय लॉस एंजेल्स अराजकतासँ गुजरि रहल अछि। ई प्रदर्शन एहि शहरक अलावा आर कतेको शहरमे पसरल जा रहल अछि। अमेरिकी मीडियाक अनुसार एतय 20 सँ बेसी शहर सभमे हजारों लोक उतरि आएल अछि। लॉस एंजेल्समे प्रदर्शनकारी सभ यातायात केर रोकि देलनि अछि। शिकागोमे भीड़ डाउनटाउन लूपमे मार्च कएलक, जाहि चलते किछु समयक लेल यातायात बाधित भऽ गेल।
एहि दौरान प्रदर्शनकारी सभक ऊपर पुलिसक हेलीकॉप्टर मंडराइत रहल। शिकागो ट्रिब्यून द्वारा तत्काल ककरो गिरफ्तारीक सूचना नहि देल गेल अछि।न्यूयॉर्कमे सेहो किछु एहने हालात देखल गेल अछि। एतय फेडरल इमिग्रेशन बिल्डिंग लग लोअर मैनहट्टनसँ प्रदर्शनकारी सभक समूह मार्च कऽ रहल छल। ओहि ठाम, अटलांटामे लगभग 1,000 प्रदर्शनकारीक भीड़ बुफोर्ड हाईवे पर जमा भऽ गेल। कतेको सय प्रदर्शनकारी सभ डोराविलेमे मार्च कएलनि, जाहिसँ हुनक स्थानीय पुलिससँ तुरंत टकराबक स्थिति उत्पन्न भऽ गेल। एकर अलावा सैन फ्रांसिस्को, सिएटल, ह्यूस्टन, डलास, सैन एंटोनियो आ वाशिंगटन, डीसीमे विरोध प्रदर्शन भेल। एहि दौरान प्रदर्शनकारीक संग पुलिसकेँ झड़प सेहो देखल गेल। प्राप्त समाचार अनुसार अनुसार, न्यूयॉर्क आ सैन फ्रांसिस्कोमे दर्जन भरि गिरफ्तारियां भेल अछि, जखनिकि ह्यूस्टन आ सैन एंटोनियोमे रैली सभ काफी हद तक शांतिपूर्ण रहल। ऑस्टि मे स्थानीय पुलिस डिपार्टमेंट चालक सभकेँ चेतावनी देलक अछि जे ओ लॉस एंजिल्स केर विरोध प्रदर्शन केर समर्थनमें रैली कय रहल पैदल यात्री सभक पैघ समूह पर नजरि रखथि।
ई प्रदर्शन इमिग्रेशन एनफोर्समेंटमे सैन्य बलक उपयोग केर लऽ कऽ कानूनी टकरावक बीच कैलिफोर्नियामे भेल अछि।
मंगलकेँ फोर्ट ब्रैगमे अमेरिकी सेना केर 250म वर्षगांठ केर अवसर पर आयोजित एकटा कार्यक्रममे राष्ट्रपति डोनाल्ड ट्रंप भाषण देलथि, जाहिमे ओ लॉस एंजिल्स केर प्रदर्शनकारी सभकेँ ‘जानवर’ आ ‘विदेशी दुश्मन’ कहि देलथि। संगहि संग ट्रंप शहरमे लगभग 4,000 नेशनल गार्ड सैनिक आ 700 मरीन केर तैनातीक बचाव कए लनि अछि। ट्रंप लॉस एंजेल्स केर आजाद करय आ एकरा ‘स्वतंत्र, स्वच्छ आ सुरक्षित’ बनेबाक शपथ खयलनि। संगहि ओ ‘विद्रोह अधिनियम’ लागू करबाक सुझाव देने छैथ। ट्रंप चेतावनी देलनि अछि जे वाशिंगटन, डीसीमे मिलिट्री परेड केर दौरान कोनो रुकावटकेँ ‘बहुत पैघ ताकति’ सँ सामना कयल जएत।
बढ़ैत गतिरोध डोमेस्टिक लॉ इन्फोर्समेंट केर सैन्यीकरण पर एक व्यापक राष्ट्रीय बहस केर जन्म देलक अछि। ई विवाद राज्य आ फेडरल अथॉरिटी केर बीच गहिंर तनाव केर रेखांकित करैत अछि। एकरा सँग-सँग अमेरिकी शहर सभमे सत्ताक संतुलन आ इमिग्रेशन एनफोर्समेंट केर राजनीतिक दांव पर सवाल उठि रहल अछि। देश भरिमे बढ़ैत विरोध प्रदर्शनों केर संग, कैलिफोर्नियाम एकटा फेडरल जज संघीय सरकारक सैन्य कर्मी सभक उपयोग केर प्रतिबंधित करय केर अनुरोध पर गुरुवार दोपहर कऽ सुनवाई निर्धारित कएलनि अछि।
