अपराध बगहामे नाबालिकसँ गैंगरेप, 4 आरोपी गिरफ्तार May 25, 2025 Maithil Punarjagran Prakash पश्चिम चम्पारण समदिया * जिलाक बगहा धनहा थाना क्षेत्रमे शनिक देर राति एकटा नाबालिग किशोरी संग दरिंदगीक घटना भेल। चारि युवक मिलि कऽ किशोरीकेँ बहला-फुसला कऽ केराक बागमे लऽ जाकऽ ओकरा संग गैंगरेप कएलक आ किशोरीकेँ अचेत अवस्थामे छोड़ि कऽ मौकासँ भागि गेल। प्राप्त जानकारीक अनुसार, आरोपीमेसँ एकटा युवक भरोसा दय अपना साथ चलबा लेल राजी कयलक। मुदा बागानमे पहुंचला पर ओतय आओर बाकी तीन साथी पहुंचल, सभ मिलकय वारदातकेँ अंजाम देलक। घटनाक सूचना भेटैत पुलिस हरकतमे आयल आ देर राति दबिश दय चारू आरोपीकेँ गिरफ्तार कय लेलक। पुलिस चारूक खिलाफ पॉक्सो एक्ट आ गैंगरेपक धारासभमे केस दर्ज कएलक अछि। पीड़िताक हालत गंभीर बताओल जा रहल अछि। ओकरा पहिने स्थानीय अस्पतालमे भर्ती कएल गेल छल, मुदा स्थिति बिगड़ला पर बेतिया जीएमसीएच रेफर कय देल गेल। गिरफ्तार आरोपीमे दुटा धनहा थानाक गोबरहिया गामक रहनिहार अछि आ बाकी आरोपी उतर प्रदेशक कुशीनगर जिलाक रामघाट निवासी अछि। बगहा एसडीपीओ कुमार देवेंद्र कहलनि जे धनहा थाना पुलिसकेँ सूचना भेटल जे एकटा नाबालिगक संग दुष्कर्मक घटना भेल अछि। घटना केर सूचना पर ओहि ठाम पहुँचि कय मामिलाक जाँच शुरू कय देल गेल अछि। पीड़िताकेँ अस्पतालमे भर्ती कएल गेल अछि। संगहि चारि आरोपीकेँ गिरफ्तार कय लेल गेल अछि। पीड़िता केर पिताक आवेदन पर प्राथमिकी दर्ज कय लेल गेल अछि। फिलहाल नाबालिग केर बेतिया जीएमसीएचमे इलाज चलि रहल अछि। पुलिस संपूर्ण मामिला केर जाँच कय रहल अछि। Spread the love
