मुख्यमंत्री नीतीश कुमार शनिकेँ दिल्लीक लेल रवाना भऽ गेल छलथि। दिल्लीक लेल ओ पटना एयरपोर्टसँ उड़ान भरलथि। दू दिन तक मुख्यमंत्रीक दिल्ली प्रवास होएत।
बिहारमे राजनीतिक दल सभ चुनावक तैयारी तेज कऽ देने अछि। सत्ता पक्ष आ विपक्षमे वार-पलटवारक सिलसिला जारी अछि। एहि बीच मुख्यमंत्री नीतीश कुमार शनिकेँ (24 मई, 2025) दिल्लीक लेल रवाना भऽ गेलथि। चुनावसँ पहिनहि मुख्यमंत्री नीतीश कुमारक दिल्ली दौरा महत्वपूर्ण मानल जा रहल अछि। मुख्यमंत्रीक दिल्ली दौरा दू दिवसीय होएत।
दिल्लीक लेल ओ पटना एयरपोर्टसँ उड़ान भरलथि। मुख्यमंत्री संग मुख्य सचिव अमृतलाल मीणा सेहो दिल्ली यात्रा पर गेल छथि। ओना एनडीए शासित राज्य सभक मुख्यमंत्री सभक दिल्लीमे बैसार बजाओल गेल अछि। बैसारक अध्यक्षता पीएम मोदी करताह।
मानल जा रहल अछि कि केंद्र सरकारक चलाओल जा रहल योजनासभ पर मुख्यमंत्री सभसँ फीडबैक लेल जायत। बिहारमे एहि साल विधानसभा चुनाव प्रस्तावित अछि।
मुख्यमंत्री नीतीश कुमारक दिल्ली दौराक चुनावसँ जोड़िकय देखल जा रहल अछि। बैठकमे एनडीए केर चुनावी रणनीति पर चर्चा होयबाक अपेक्षा अछि। सूत्र सभक अनुसार आगामी विधानसभा चुनावक तैयारी पर विचार-विमर्श होयत। एनडीए गठबंधनकेँ मजबूत करबाक पर सेहो बैठकमे चर्चा होएत।
बिहारमे एनडीए केर मुकाबला महागठबंधनसँ अछि। महागठबंधनक सभसँ पैघ पार्टी राजद सरकार पर हमलावर अछि। नेता प्रतिपक्ष तेजस्वी यादव निरंतर कानून व्यवस्थाक मुद्दा उठा रहल छथि। मुख्यमंत्री नीतीश कुमारक पार्टी सेहो चुनावी मोडमे अछि। जदयू केर तरफसँ बैठकक सिलसिला जारी अछि। बैठक सभमे विपक्षक काटक रणनीति तैयार कयल जा रहल अछि। एजेंडा तय करबाक संग कार्यकर्ता सभकेँ टिप्स सेहो देल जा रहल अछि। बिहारक सियासी गहमागहमीक बीच मुख्यमंत्रीक दिल्ली दौरा महत्वपूर्ण मानल जा रहल अछि। आब नजरि मुख्यमंत्री नीतीश कुमारक प्रधानमंत्री मोदी संग होबयवाला मुलाकात पर रहत।
