सिमरी थाना पुलिसक मदतिसँ हिमाचल प्रदेशक पुलिस सिमरी गामक वार्ड संख्या बारह निवासी चंदन कुमारकेँ गिरफ्तार कयलक अछि।
बताओल गेल अछि जे हिमाचल प्रदेशक सिरमौर जिलाक पावंटा साहिब थानामे ओकरा विरुद्ध पॉस्को आ बीएनएसक विभिन्न धारामे प्राथमिकी दर्ज अछि जाहिमे ई फरार चलि रहल छल । हेड कांस्टेबल संदीप सिंहक नेतृत्वमे पहुंचल पुलिस टीम सिमरीमे छापामारी कऽ कय युवककेँ गिरफ्तार कयलक।
पुलिस अधिकारी बतेलनि जे युवकक मेडिकल जांचक बाद एकरा मुख्य न्यायिक दंडाधिकारी दरभंगाक न्यायालयमे प्रस्तुत कय ट्रांजिट रिमांडमे लऽ जयबाक प्रक्रिया कयल जा रहल अछि।
