विदेश मंत्री एस जयशंकरसँ ऑपरेशन सिंदूरसँ जुड़ल बयान पर विपक्षक नेता राहुल गांधीक प्रतिक्रियाकेँ मंत्रालय द्वारा खारिज कएल गेल। विदेश मंत्रालय राहुलक बयानकेँ “तथ्यसभक पूर्णत: गलत प्रस्तुतीकरण” कहलक।
विदेश मंत्रालयक ई प्रतिक्रिया राहुल गाधीक एकटा वीडियो एक्स पर पोस्ट कएलाक बाद आयल, जाहिमे जयशंकर बृहस्पतिकेँ दिल्लीमे होंडुरास दूतावासक उद्घाटनक बाद पत्रकारसँ बात करैत देखाइत छथि। राहुल गाँधी सरकार पर गलत काजक आरोप लगौलनि। एक्स पर एकटा पोस्टमे ओ कहलनि, “आक्रमणक शुरुआतमे पाकिस्तानकेँ सूचित करनाइ एकटा अपराध छल। विदेश मंत्री सार्वजनिक रूपसँ स्वीकार कय चुकल छथि जे भारत सरकार एहेन कयलक।
जनतब जे दिल्लीमे होंडुरास दूतावासक उद्घाटनक बाद बृहस्पतिकेँ पत्रकारसँ बात करैत एस जयशंकर कहलनि, “ई स्पष्ट अछि जे गोलीबारीकेँ बंद करय चाहैत छलौंह। हम आतंकवादी संरचनाकेँ नष्ट कयलौंह, जे लक्ष्य निर्धारित कयल गेल छल, से हासिल कयलौंह। जखनि प्रमुख लक्ष्य हासिल कयल गेल छल, तखनि हमरा लागैत अछि कि हम उचित रूपसँ ई रुख अपनौलहुँ, कारण ऑपरेशनक शुरुआतमे हम पाकिस्तानकेँ ई संदेश दय चुकल छलहुँ कि हम आतंकवादी संरचना पर हमला कऽ रहल छी, सेना पर नहि आ सेनाकेँ ई विकल्प अछि कि ओ ठाढ़ रहय आ हस्तक्षेप नहि करय।” ओना ओ (पाकिस्तान) एही नीक सलाहकेँ नहि मानबाक निर्णय लेलक। तकरा बाद 10 मईकेँ भोर ओकरा पैघ नोकसान भेल। सैटेलाइट तस्वीर सभ किछु देखबैत अछि कि हम कतेक नोकसान केलियै आ पकिस्तानकेँ कतेक नोकसान भेल। ई स्पष्ट अछि कि गोलीबारीकेँ बंद करय चाहैत छल।
