आरोपी हिसार निवासी यूट्यूबर ज्योति मल्होत्राकेँ यूट्यूब पर 3.77 लाख आ इंस्टाग्राम पर 1.31 लाख फॉलोअर्स अछि। ट्रैवल विद जो केर नामसँ यूट्यूब पर ज्योतिक एकटा चैनल अछि। एहिमे देश-विदेशक स्थान सभक यात्रासँ जुड़ल संस्मरण आ स्थान विशेषक जानकारी साझा कएल गेल अछि।
ज्योति जाहि देशमे जाइत छथि ओतय केर खास जगह, खान-पान आ संस्कृतिसँ जुड़ल वीडियो बनबैत छथि आ ओकर विश्लेषण करैत छथि। ज्योति’क सोशल मीडिया प्लेटफार्म पर व्यूज सेहो काफी अबैत अछि। ज्योति केर वीडियोमे पाकिस्तानसँ जुड़ल वीडियो सेहो अछि। एकर अलावा ज्योति हालमे भेल क्रिकेट वर्ल्ड कपक दौरान भारत आ पाकिस्तानक बीच खेलल मैच पर दर्शक सभक प्रतिक्रिया वाला वीडियो सेहो बना कय अपलोड कएलनि। एहीमे पाकिस्तानसँ आएल लोकसँ बातचीत कएल वीडियो सेहो अछि। एकर अलावा ज्योति कश्मीर टूर पर सेहो वीडियो बनौने छथि, जाहिमे सेनाकेँ सेहो फिल्माकृत कएल गेल अछि। सीआईए (क्राइम इन्वेस्टिगेशन एजेंसी) केर अनुसार ज्योति अपन पाकिस्तानसँ जुड़ल वीडियोमे ओहिठामक सकारात्मक पहलूकेँ चित्रित करैत छथि, जाहिमे पाकिस्तानक प्रति हुनकर रुझान स्पष्ट रूपसँ देखाए दैत अछि।
जनतब जे हिसार पुलिस पाकिस्तान लेल जासूसी कए रहल छह लोककेँ गिरफ्तार कएलक अछि। जाहिमे यूट्यूबर ज्योति मल्होत्रा आ हुनकर पाँच साथी शामिल अछि। ज्योतिकेँ हिसारकेँ न्यू अग्रसेन एक्सटेंशनसँ गिरफ्तार कएल गेल अछि। ज्योति ‘ट्रैवल विद जो’ नामसँ अपन यू ट्यूब चैनल चलबैत छथि।
