भीतर 100 किमी घुसि कय मारलहुँ आतंकवादीकेँ, परमाणु बमक धमकीसँ नहि डरलहुँ : अमित शाह

भीतर 100 किमी घुसि कय मारलहुँ आतंकवादीकेँ, परमाणु बमक धमकीसँ नहि डरलहुँ : अमित शाह
*

केंद्रीय गृह मंत्री अमित शाह पेथापुरमे नवर्निमित प्राथमिक स्वास्थ्य केंद्रक उद्घाटनक अवसर पर शनिकेँ गांधीनगरमे ऑपरेशन सिंदूर’क दौरान भारतक सैन्य कार्यवाहीक बारेमे पैघ बयान देलनि। केन्द्रीय गृह मंत्री भारतीय सैन्य बलक प्रशंसा कएलनि। संगहि पाकिस्तानकेँ कड़ा जवाब देबाक संकल्प दोहरौलनि।

अमित शाह कहलनि जे आजादीक बाद ई पहिल बेर अछि जे हमर सेना पाकिस्तानमे 100 किलोमीटर भितर घुसिकऽ आतंकी कैंपकेँ नष्ट कयलक। पाकिस्तान हमरा परमाणु बमक धमकी देलक। ओकरा लागल जे हम डरि जाएब। मुदा हमर सेना, नौसेना आ वायुसेना ओकरा कड़ा जवाब देलक जाहिसँ पाकिस्तानक होश उड़ि गेल। आई पूर्ण विश्व हमर सेनाक धैर्य आ पीएम मोदीक दृढ़ नेतृत्वक प्रशंसा कऽ रहल अछि। हम अपन सशस्त्र बलक वीरताकेँ सलाम करैत छी।

केंद्रीय गृह मंत्री अमित शाह कहलनि कि पाकिस्तान पश्चिमी सीमा सभ पर हमला करबाक दुस्साहस कयलक, मुदा पीएम मोदीक नेतृत्वमे हमर वायु रक्षा प्रणाली एतेक उत्तम भऽ गेल अछि कि कोनो मिसाइल वा ड्रोन भारतक भूमि धरि नहि पहुँचल। 100 सँ अधिक आतंकवादीकेँ मारि देलाक बाद पाकिस्तान सोचमे छल आ हम ओकर 15 हवाई ठिकाना पर हमला कय देलौंह, मुदा हम ओकर नागरिककेँ कोनो हानि नहि पहुँचौलौंह। हम ओकर हवाई हमला करबाक क्षमताकेँ नष्ट कय देलौंह।

गृह मंत्री कहलनि कि हमर सेना पाकिस्तानमे 100 किलोमीटर भीतर गेल आ आतंकवादी सभकेँ करारा जवाब देलक। किछु अंतरराष्ट्रीय आतंकवादी गतिविधि सभक योजना बनौने छल। ओ सभ सियालकोट आ अन्य आतंकवादी शिविर सभमे नुकायल छल, ओकरा सभकेँ हमर बमक धमाकाक गूंज स्पष्ट संदेश भेजलक जे जँ भारतक लोकक संग कोनो आतंकवादी गतिविधि होइत अछि, तँ झटका दूगुणा ताकतसँ देल जायत।

केंद्रीय गृह मंत्री अमित शाह कहलनि कि सत्ता सँभारलाक बादसँ पीएम मोदी आतंकवादी हमलाक एतेक मुंहतोड़ जवाब देलनि अछि जे संसार आश्चर्यचकित अछि आ पाकिस्तान डरल अछि। एहि बेर ऑपरेशन सिंदूरक तहत पाकिस्तानमे जैश-ए-मोहम्मद आ लश्कर-ए-तैयबा जेकाँ आतंकवादी संगठनक मुख्यालय सभकेँ नष्ट कयल गेल। हम नौ आओर जगहकेँ नष्ट कयलौं जाहि ठाम आतंकवादी सभकेँ प्रशिक्षण देल जाइत छल आ ओकर ठिकाना छल।