राजनीति पार्षद सभक इस्तीफा पर आपक आरोप “सभ पार्षदकेँ बीजेपी देलक 5 करोड़क प्रस्ताब” May 18, 2025 Maithil Punarjagran Prakash नई दिल्ली * पार्षद सभक इस्तीफा पर आम आदमी पार्टीक दावा अछि जे मेयर चुनावक समयसँ बीजेपी हमर पार्षद सभकेँ अपन पालामे लेबाक कोशिश कय रहल अछि। प्रत्येक पार्षदकेँ 5 करोड़ टाकाक प्रस्ताब देल गेल। दिल्लीमे आम आदमी पार्टीमे बेसी बगावत देखल जा रहल अछि। पार्टीक निर्णयसँ नाराज आपक 15 पार्षद पार्टीक प्राथमिक सदस्यतासँ इस्तीफा देलाह आ अपन नव पार्टी बनेबाक घोषणा सेहो कय देलनि। आम आदमी पार्टीक मोताबिक ‘मेयर चुनावक समयसँ बीजेपी हमर पार्षद सभकेँ अपन पालामे करबाक प्रयास कय रहल अछि। प्रत्येक पार्षदकेँ 5 करोड़ टाकाक प्रस्ताव देल गेल अछि। बीजेपीकेँ स्थायी समिति वा वार्ड समिति बनबय लेल बहुमत नहि अछि, तें ओ लोककेँ खरीदबाक उपाय कय रहल अछि। पार्टीक दिसिसँ कहल गेल, “जेना हम मेयर चुनावक दौरान बीजेपीक खरीद-फरोख्त प्रयास सभकेँ उजागर कएने छलहुँ, ताहि लेल आब ई दलबदलू दिखावा कय रहल अछि जे ओ दोसर पार्टीसँ अछि। मुदा कियो एहेन गलती नहि करू, ई शुरूसँ आखिरी तक बीजेपी केर काज अछि। आबि रहल समय सभमे सच्चाई सबहक’ सामने आबि जायत।” Spread the love
