बिहारमे शराबबंदीक बाद गांजाक तस्करी बढ़ि गेल अछि। आब तस्कर सभ नेपालसँ गांजा आनि एतय बेचि रहल अछि। असलमे नेपालमे गांजाक खेती पैघ पैमाना पर होइत अछि। भारतीय तस्कर नेपालसँ गांजा आनि एतय बेचैत अछि।
बिहारमे शराबबंदीक बाद गांजाक तस्करी बढ़ि गेल अछि। एहि व्यवसायमे बहुत लोक जुड़ि गेल अछि। सीमा पर एसएसबीक तैनातीक बाद सेहो तस्कर गांजा लाबयमे सफल भs रहल अछि, ओना पुलिस आ एसएसबी लगातार तस्करकेँ पकड़ि सेहो रहल अछि। नेपालसँ आनल जा रहल गांजा फेर सोनबरसामे पकड़ल गेल अछि। एसएसबी केर 51 बटालियनक जवान फेर सोनबरसामे गांजा पकड़लक अछि, एकटा तस्करकेँ सेहो गिरफ्तार कयल गेल अछि। ओकर पहिचान सोनबरसा थाना क्षेत्रक सोनबरसा गामक लाल बहादुर महतोक बेटा जितेन्द्र महतोक रूपमे कयल गेल अछि।
गुप्त जानकारी भेटला पर सिपाही मनीष कुमार आ विपुल कुमार एसएसबी कंपनी कमांडर इंस्पेक्टर बाबू सिंह साहब केर नेतृत्वमे सीमा स्तंभ संख्या 323/13 केर समिप एकटा कारमे नुकायल 30 किलो गांजा जब्त कयलनि। थानाध्यक्ष धर्मेन्द्र कुमार कहलनि जे, गांजा आ गाड़ी जब्त कs तस्करकेँ न्यायिक हिरासतमे पठा देल गेल अछि।
