बिहार विधानसभामे रविकेँ विपक्षक नेता तेजस्वी यादव कहलनि, जे कियो आतंकवादकेँ जड़िसँ समाप्त करत हम हुनकर संग छी।
पटनामे पत्रकार सभसँ बातचीतक दौरान तेजस्वी यादव कहलनि कि आजुक जरूरत अछि जे आतंकवादकेँ जड़िसँ समाप्त कएल जाए। उप मुख्यमंत्री सम्राट चौधरीक ‘मुख्यमंत्री बनबाक सपना, सपना रहि जायत’ बयान पर बिहारक पूर्व उप मुख्यमंत्री तेजस्वी यादव कटाक्ष करैत कहलनि कि हमरे पार्टीमे लालू यादव हुनका (सम्राट चौधरी) पहिल बेर मंत्री बना चुकल छथि आ विधायक बना चुकल छथि। ओ उप मुख्यमंत्री सम्राट चौधरी पर निशाना साधैत कहलनि कि आखिर बेर जखनि ई चुनाव लड़लथि तँ राजदसँ जीति कय आएल छलथि। ई सब बैक डोर वला लोक छथि। ओ इशारामे भाजपा पर निशाना लैत कहलनि कि ओ जतय गेला ओतय तेल मालिश करय पड़त। ओ कहलनि कि लालू यादवक ओ नाम नहि लेताह तँ रोजी-रोटी केना चालत ?
ओना दावा कयलनि जे हम सभ सपनाकेँ हकीकतमे बदलय जा रहल छी। हुनकर इशारा छल जे आगू विधानसभा चुनावमे महागठबंधन बहुमतक संग सरकार बनाएत।
जनतब जे तेजस्वी यादव रविकेँ ताड़ी व्यवसायी महाजुटानमे लोकक संघकेँ संबोधित करय अयलाह। राजद नेता तेजस्वी यादव शुक्रदिन कहलनि जे हमर सबहक सभसँ पहिल चिंता अछि जे देश सुरक्षित रहय, देशक लोग सुरक्षित रहय, एकरा लेल जे एक्शन लेबाक अछि, भारत सरकारकेँ लेबय केर चाही। ओ कहलनि जे हम सभ सर्वदलीय बैसारमे कहलौं जे अपने (सरकार) जे डेग उठायब, हम अपनेक संग छी। आब भारत सरकार जे किछु निर्णय लेत, हम सब सरकारक संग रहब।
ओ कहलनि जे एहेन समयमे समस्त देश एकजुट अछि आ एक संगे आतंकवादक विरुद्ध हमरा मिलिकय लड़बाक चाही। ओ स्पष्ट कहलनि जे अपराधी होय वा आतंकवादी, ओकर नहि कोनो जाति होइत अछि वा नहि कोनो धर्म। अपराध तँ अपराध होइत अछि।
