रॉबर्ट वाड्रा पहलगाम हमला पर विवादास्पद बात कहलनि अछि। वाड्रा कहलनि जे हम देखैत छी जे हमर देशक सरकार हिंदुत्वक बारेमे बात करैत अछि। ई अल्पसंख्यककेँ अनकंफर्टेबल महसूस कराबैत अछि, अहाँ मस्जिदक बारेमे बात करैत छी वा अहाँ कहैत छी जे अहाँ एना प्रार्थना नहि कय सकैत छी।
प्रियंका गांधीक पति रॉबर्ट वाड्रा पहलगाम हमला पर एहेन बयान देलनि अछि, जाहि पर विवाद शुरू भऽ गेल अछि। गांधी परिवारक दामाद पहलगाम हमलाकेँ भारतक मुसलमानसँ जोड़ि देलनि अछि। संगहि भारतमे अल्पसंख्यक पर सेहो कतेको बात कहलनि अछि। यद्यपि, ओ एहि पर स्पष्ट कयलनि जे ई हुनकर अपन सोच अछि। कांग्रेस वा हुनकर परिवारक नहि।
रॉबर्ट वाड्रा कहलनि जे हम अपन सरकारक लेल बहुत बेसी चिंतित छी। सबसँ पहिने एहि हमलामे जान गमाबय बला 28 लोकक प्रति हम अपन श्रद्धांजलि व्यक्त करैत छी। संगहि कतेको लोक घायल भेल छथि। हम तकरा लेल सहानुभूति व्यक्त करैत छी। आशा करैत छी जे ओ सभ शीघ्र स्वस्थ भऽ जेताह। अपन बातकेँ उठाबए लेल आतंकवादी हमला करब एकटा कमजोर तरीका अछि। एहेन हम महसूस करैत छी। ई हुनकर बातकेँ नहि उठबैत अछि बल्कि ई निर्दोष लोककेँ मारैत अछि। ई एकटा कमजोर तरीका अछि। आब सरकारकेँ एकसंगे एहेन घटनाक तथा संगठनक विरुद्ध लड़बाक चाही। तथापि, एकरा लेल हमर अलग सोच अछि। ई कांग्रेस आ हमर परिवारक सोच नहि अछि।
किएकि हमर देशमे संप्रदायिक भावना सभकेँ आहत कएल जा रहल अछि, रॉबर्ट वाड्रा आगू कहलनि जे हमर देशक सरकार हिंदुत्वक बारेमे बात करैत अछि। एहिसँ अल्पसंख्यक असहज महसूस करैत अछि, जखनि अहाँ मस्जिदक बारेमे बात करैत छी वा जखनि अहाँ कहैत छी कि अहाँ ऐना प्रार्थना नहि कऽ सकैत छी। एहेन चीज सभ अराजकता, संप्रदायिकता केर बढ़ाबा दैत अछि। जँ अहाँ एहि आतंकवादी घटनाकेँ देखब तऽ ओ सभ लोकक आईडी चेक कय रहल छल। ओ सभ एहेन किएक कय रहल छल, कारण एकटा विभाजन हमर देशमे होइत अछि। हिंदू, मुसलमान आ ईसाइ आ एकर बीच। हम वीडियो फुटेज देखलहुं जे चर्च जराओल जाइत अछि, की भ’ रहल अछि ई ? किएक हमर देशमे संप्रदायिक भावनाकेँ आहत कएल जा रहल अछि ? ई विभाजन उत्पन्न कय रहल अछि।
ओ आगा कहलनि, एहेन संस्था सभकेँ लगैत अछि जे मुसलमान सभकेँ लेल हिंदू खतरा छै। अपने सभ ज्यादातर हिंदू-मुसलमानसँ पुछु, ओ सभ एक-दोसरक मदद करैत अछि। कोविडक समय ओ सभ एना केलनि। ओ राजनीतिकेँ नहि बुझैत अछि। चुनाव जीतय वला राजनीति ओ सभ नहि बुझत। आईडी देखिकेँ मारनाइ एकटा संदेश अछि। ई संदेश प्रधानमंत्री लेल अछि। मुस्लिम आ अल्पसंख्यक कमजोर महसूस करैत अछि। दू हप्ता पहिने हमरा ईडी बजेलक, कारण हम मुसलमानक लेल बात कयने रही।
