की हेमंत सोरेन आ प्रियंका गांधी चुनाव आयोगसँ समझौता कय जीतल : बीजेपी प्रवक्ता

नई दिल्ली
*

बीजेपी प्रवक्ता संबित पात्रा राहुल गांधीक अमेरिकामे चुनाव आयोग पर देल बयानकेँ कड़ा निंदा कयलनि। ओ पुछलथि जे, की प्रियंका-हेमंत सोरेन चुनाव आयोगसँ समझौता कए चुनाव जितल छलथि ?

बीजेपी प्रवक्ता संबित पात्रा राहुल गांधीक चुनाव आयोग वाला बयान पर पलटवार कऽ कहलनि कि ओ विदेशी भूमि पर गदहा जेंका कतेओ दशकसँ कऽ रहल छथि। ओ कहला कि कांग्रेसक तमाम पैघ नेता देशभरिमे माँ-बेटाकेँ बचाबए लेल प्रेस कांफ्रेंस कऽ रहल छथि। ओ कहलनि कि ‘चोर मचाए शोर’, हिनका सभकेँ जेल जाए पड़त किएक तँ ई सभ भ्रष्टाचार कऽ चुकल छथि।

राहुल गांधी अमेरिकामे भारत आ चुनाव आयोगकेँ बदनाम करबाक कोशिश कएलनि अछि। ई नेशनल हेराल्ड केसमे बेल पर छथि। जे व्यक्ति आ हुनकर माता जे 50 हजारक मुचलका पर बेल पर बाहर छथि, तिनका पर देशक जनता की विश्वास करत ?

आगा ओ कहलनि कि जे राहुल बेल पर छथि, जँ ओ विदेशमे जा कऽ देशक लोकतंत्रक खिलाफ बजताह तऽ जनता विश्वास नहि कऽ पाओत।

संबित पात्रा कहलनि जे ईडीक चार्जशीट चिदंबरम साहब पढ़ने हेतथि। बोगस विज्ञापनक माध्यमसँ ई प्रापर्टीक जरिया बना कऽ पैसा लेल जा रहल छल। ईडी कहलक जे चार्जशीटमे स्पष्ट रूपसँ कहल गेल अछि जे दिल्ली, भोपाल आ आन ठाम सभ प्रापर्टी जे नैशनल हेराल्डक माध्यमसँ प्रोसीड ऑफ क्राइम कएल जा रहल छल। 18 करोड़क बोगस विज्ञापन देल जा रहल छल। कारण जखनि अखबार छपिए नहिं रहल छल तँ विज्ञापन केहन ? 38 करोड़क एडवांस किराया अछि।

संबित पात्रा कहलनि कि कतेको कम्पनी सभ एडवांस रेन्ट दय देलनि, मुदा कोनो प्रकारक व्यावसायिक गतिविधि नहि अछि। कुल मिला कऽ 988 करोड़क मामिला अलग अछि। राहुल विदेशमे जा कऽ देशकेँ बदनाम कऽ रहल छथि। चुनाव आयोग पर सवाल उठा रहल छथि, कॉम्प्रोमाइज्ड कहल जा रहल अछि।

राहुलजी अमेरिकामे जा कऽ चुनाव आयोगकेँ कंप्रोमाइज्ड कहैत छथि। ओ कहैत छथि जे चुनाव आयोगसँ समझौता भेल अछि। ओ कहलनि जे राहुलजी ओहि समय झारखंडमे चुनाव भेल छल, की हेमंत सोरेनसँ समझौता भेल छल ? ओहि समय प्रियंकाकेँ चुनाव वायनाडसँ भेल छल। की झारखंड हेमंत सोरेन चुनाव आयोगसँ समझौता कऽ जीतल छलथि ? ई अपने हेमंत सोरेनसँ पुछू। प्रियंका गांधीकेँ जीत की कंप्रोमाइज्ड छल ?

ओ आगा कहला, भारतमे सजिव लोकतंत्र अछि। विदेश जा कऽ भारत पर हमला करनिहार राहुलकेँ याद राखू, ओ चोर अछि डकैत अछि, बेल पर अछि। माँ आ बेटा डकैती कएलक अछि। राहुल जाहि थारीमे खाइत छथि, ताहिमे छेद त’ करताह, तेँ देशद्रोही कहाइत छथि। ओ ईडीक गुस्साकेँ ईसी पर निकालि रहल छथि। ईडी हुनका छोड़निहार नहि अछि, ओ जेल जयताह।

जनतब जे कांग्रेस नेता राहुल गांधी बोस्टन विश्वविद्यालयमे कहलनि, “भारतमे चुनाव आयोगसँ समझौता कएल गेल अछि। ओ कहलनि जे महाराष्ट्रमे कुल लोकक तुलनामे बेसी लोक मतदान कएलनि अछि आ ई एकटा तथ्य अछि।”