राज्यसभा सांसद संजय झा कांग्रेस आ आरजेडी दूनू पर निशाना साधलनि अछि. ओ कहलनि जे चुनावी वर्ष अछि. बहुत रास लोक देखाइ देताह, ओतहि तेजस्वी यादव पर सेहो ओ जमिकऽ बरसलाह।
इंडिया एलायंस केर बैठक आ कांग्रेसक राष्ट्रीय अध्यक्ष मल्लिकाअर्जुन खरगे केर बिहार आगमन पर जेडीयू केर राज्यसभा सांसद संजय झा निशाना साधलनि अछि। ओ कहलनि जे चुनावी वर्ष अछि. बहुत रास लोक देखाइ देताह, मुदा बिहारमे नीतीश कुमारक नेतृत्वमे सरकार चलि रहल अछि आ 25 मे सेहो हुनके नेतृत्वमे एनडीए केर चुनाव लड़बाक अछि।
पटनामे शनिकेँ मीडियासँ बात करैत संजय झा कहलनि जे डबल इंजिन केर सरकारसँ बिहार केर फायदा भऽ रहल अछि। एकरा लोक मिस नहि करय चाहैत अछि। बिहारमे कांग्रेसक किछु नहि बाँचल अछि।
तेजस्वी यादव द्वारा एनडीए केर सरकार पर लूटक आरोप पर संजय झा कहलनि, जिनका पर जांच चलि रहल अछि, ताहि पर पहिने तेजस्वी यादवकेँ बाजय केर चाही। जे नौकरी केर लऽ कऽ काज कएने छलथि, पहिने ओहि पर बात बाजय केर चाही। नीतीश कुमार द्वारा राज्यमे बहुत काज भेल अछि, जखनि हुनका मौका भेटल छल त’ हुनका सभक द्वारा नहि कएल गेल। जँ किछु अछि त’ बताबय केर चाही।
ओतहि जखनि हुनकासँ पुछल गेल कि तेजस्वी यादव कहलनि जे योजनासभ पर 30% फिक्स रहैत अछि। एहिपर संजय झा कहलनि जे एहि पर टिप्पणी करबाक कोनो आवश्यकता नहि अछि, किएक त’ तेजस्वी यादवसँ अपने कखनहुँ पुछल अछि जे जमिनक बदला नौकरी देबाक मामला की अछि।
मीडियासँ संजय झा कहलनि जे अपने लोकनिकेँ पहिने हुनकासँ पुछय केर चाही जे ओ करोड़पति कोना भ’ गेलाह, बिना किछु कएने की कोर्ट अहाँकेँ बजा रहल अछि। एहि पर ओ कखनो बयान देलथि की। पहिल बात दोसर बात जे किछो बैसि कऽ अहाँ बाजैत रहू, एहिमे की लागैत अछि। हर गाममे हर घरमे नल जल पहुँचि गेल अछि। सड़क पहुँचि गेल अछि। बिजली पहुँचि गेल अछि। ई काज सरकार केर कयलासँ भेल अछि।
