दरभंगा जिलाक बेनीपुरक नगर परिषद वार्ड 27 केर लक्ष्मण ठाकुरक घरमे शनि दिन भानस करैत काल आगि लागि गेल।
जानकारीक अनुसार लागल आगिसँ घरक सभ सामान जरिकय सुड्डाह भऽ गेलै। एहि संबंधमे पीड़ित ठाकुर सी ओ के आवेदन दऽ कय आपदा प्रबंधनसँ भेटयवला सहायता राशि तत्काल उपलब्ध करेबाक आग्रह कयलन्हि अछि।
दोसर दिसि भाजपा नेता राजीव कुमार झा घटनास्थल पर पहुंचिकय पीड़ित परिवारक खोज खबरि लेलन्हि आ सी ओ बेनीपुरसँ पीड़ित परिवारकेँ तत्काल राहत उपलब्ध करेबाक मांग कयलनि अछि । सी ओ अश्वनी कुमार कहलनि जे हल्का कर्मचारी के जांचक आदेश देल गेल अछि । जांच रिपोर्टक आधार पर आपदा प्रबंधनसँ भेटयवला सहायता राशि उपलब्ध कराओल जायत।
