वक्फ विधेयक संसदमे जबरन पास कएल गेल, ई संविधान पर सीधा हमला : सोनिया गांधी

नई दिल्ली
*

कांग्रेस संसदीय दल (सीपीपी) के अध्यक्ष सोनिया गांधी लोकसभामे वक्फ (संशोधन) विधेयक पारित होबए पर अपन पहिल प्रतिक्रियामे एहि केर संविधान पर सीधा हमला बतौलनि आ कांग्रेस सांसद सभसँ कहलथि जे ओ भाजपा शासित एनडीए सरकारक नाकामी सभ केर ‘आक्रामकता’सँ उजागर करथि।

सोनिया गांधी कांग्रेस संसदीय दलक बैठकमे कहली की वक्फ विधेयक केर जबरदस्ती संसदसँ पास कराओल गेल। “ई विधेयक संविधान पर सीधा हमला अछि। ई समाज केर हरदम बाँटि क’ रखय केर भाजपाक सोचल-समझल रणनीतिक हिस्सा अछि।”

ओ ‘वन नेशन, वन इलेक्शन’ बिल पर सेहो कड़ी आपत्ति जतौलनि आ एहि केर संविधानक संग छेड़छाड़ बतौलथि। सोनिया गांधी कहली की दू वर्ष पहिने संसदमे महिला आरक्षण विधेयक पारित भेल छल, मुदा एखनि धरि एहिमे एससी, एसटी आ ओबीसी महिलाकेँ एक-तिहाई आरक्षण देबय केर अनदेखी कएल जा रहल अछि।

ओ मोदी सरकार पर आरोप लगबैत कहलथि जे यूपीए सरकारक समय शुरू कएल गेल चारि मुख्य कानून – सूचनाक अधिकार (आरटीआई), मनरेगा, वन अधिकार कानून आ भूमि अधिग्रहण कानूनकेँ वर्तमान सरकार कमजोर कऽ रहल अछि।

सोनिया गांधी इहो कहलथि जे 2013 मे लागू राष्ट्रीय खाद्य सुरक्षा कानूनसँ 80 करोड़ लोककेँ लाभ भेटि रहल अछि, मुदा जनगणना नहि होयबाक कारण 14 करोड़ लोक अपन अधिकारसँ वंचित रहि गेल छथि।

सोनिया गाँधी कांग्रेस नेता सभसँ इहो अपील कएलथि जे ओ सभ मोदी सरकार द्वारा अपन योजनाकेँ हथियाबऽ आ अपना बताकऽ दोबारा पेश करबाक प्रयासक विरुद्ध अपन संघर्ष जारी राखी। ओ कहलथि, “मोदी सरकार देशकेँ एहेन स्थितिमे लऽ जा रहल अछि, जाहिसँ संविधान मात्र कागज तक सीमित रहि जायत। हमरा सचक लेल संघर्ष जारी राखय पड़त आ सरकारक असफलता केर उजागर करय पड़त।”

सोनिया गाँधी कहलथि जे 2004 सँ 2014 केर बीच यूपीए सरकारक कतेको योजना केर एनडीए सरकार नवीन रूपमे पेश कए अपन सफलताक रूपमे प्रचारित कयलक अछि। कांग्रेसकेँ ई सच्चाई सभ जनता धरि पहुँचाबय लेल आओर प्रयास करय पड़त। सोनिया गाँधी कहलथि जे संसदमे भाजपा सांसद कांग्रेस शासित राज्य सबकेँ निशाना बना रहल छथि। ओ कांग्रेस सांसद सबसँ सेहो केंद्र सरकारक असफलताक उजागर करबाक लेल ओतबहि जोरदार आ आक्रामक रणनीति अपनायबाक अपील कएलनि।

आगा ओ कहलीह, “हम देखैत छी कि भाजपाक सदस्य, विशेषतः शून्यकालक दौरान, हमर राज्य सरकार सभ पर पूरा तरहसँ झूठ आरोप लगबैत अछि। अहाँ सभकेँ सेहो ओतबहि आक्रामकतासँ भाजपा शासित राज्य सभक असफलता आ कुप्रबंधन केर उजागर करबाक चाही। एकरा लेल हमरा सभकेँ आर गहींरगर तैयारी आ शोध करबाक आवश्यकता अछि।”

कांग्रेसक राज्यसभा सांसद ई चिंता व्यक्त कएलन्हि जे लोकसभामे विपक्षक नेता राहुल गांधीकेँ बाजबाक अवसर नहि देल जा रहल अछि। ओ ईहो कहलन्हि जे राज्यसभामे विपक्षक नेता मल्लिकार्जुन खड़गेकेँ सेहो अपन बात राखय नहि देल जा रहल अछि। ओ कहलीह, “ई बहुत अजीब आ चौंकाबय वाला अछि। ई सब विपक्षकेँ अपन चिंता व्यक्त करबासँ रोकेबाक लेल कयल जाइत अछि, जाहिसँ सरकारकेँ कटघरामे ठाढ़ नहि कएल जा सकय।”