पटनासँ दिल्ली जा रहल इंडिगो केर फ्लाइट 6E 2163 मे असमक निवासी सतीश बर्मनक लखनउ लग हृदय गति रुकलासँ मृत्यु भ’ गेल। हुनकर तबियत उड़ानक दौरान बिगड़ि गेल छल, जेकरा बाद पायलट आपातकालीन लैंडिंग कयलक।
शव केर पुलिस कब्जा मे ल’ क’ पोस्टमार्टम लेल भेजि देलक अछि।
असमक निवासी ई यात्री अपन पत्नीक संग इलाज लेल दिल्ली जा रहल छलाह। एहि लेल यात्री पटनासँ इंडिगो केर फ्लाइट लेलनि। फ्लाइट लखनउ लगसँ गुजरि रहल छल कि यात्रिक दम तोड़ि देलक।
जानकारी मिलला पर फ्लाइटक पायलट चौधरी चरण सिंह एयरपोर्ट पर फ्लाइटक इमरजेंसी लैंडिंग कयलनि। एकर बाद शवकेँ फ्लाइटसँ उतारी क’ पोस्टमार्टम लेल केजीएमयू भेजि देल गेल। एहि यात्रीक संग हुनक पत्नी आ चचेरा दामाद सेहो छल। एयरपोर्ट प्राधिकरणसँ प्राप्त जानकारी अनुसार यात्रिक पहिचान असमक नलबारीक निवासी सतीश बर्मन रूपमे भेल अछि। हुनकर तबियत बहुत समयसँ खराब चलि रहल छल।
हुनक फ्लाइट पटनासँ उड़लाह कि सतीश बर्मनक तबियत बिगड़ि गेल आ देखिते-देखिते हुनक मृत्यु भऽ गेल। जानकारी भेटलाक बाद क्रू सदस्य लोकनि तत्काळ पायलटकेँ सूचित कयलनि आ तकरबाद पायलट लखनऊ एयरपोर्ट पर इमरजेंसी लैंडिंग कऽ अनुमति मंगलक। ओइठाम एयर ट्रैफिक कंट्रोलक अनुमति भेटला कऽ बाद इमरजेंसी लैंडिंग कयल गेल। एकर बाद एयरपोर्ट पर तैनात मेडिकल टीम यात्रीकेँ फ्लाइटसँ नीचा उतारि कऽ जाँच कयलनि आ मृत घोषित कयलनि। सूचना भेटला पर सरोजनी नगर पुलिस शव कऽ कब्जामे लऽ पोस्टमार्टमख लेल पठाओल अछि।
