महिला समृद्धि योजनाक अन्तर्गत 5,100 करोड़, यमुना केर सफाईक लेल 9,000 करोड़ टकाक प्रावधान, झुग्गी-झोपड़ी आ जेजे क्लस्टर केर विकासक लेल 696 करोड़ टकाक प्रावधान कएल गेल अछि, संगहि आर बहुत किछु दिल्लीक बजट 2025-26 मे।
इमरजेंसी वाटर स्टोरेजक लेल 150 करोड़ टकाक आवंटनक घोषणा सीएम रेखा गुप्ता द्वारा कएल गेल। एखनि वाटर बॉडीज केर पुनरुद्धारक लेल 50 करोड़ आ रेन वाटर हार्वेस्टिंगक लेल सेहो 50 करोड़ टकाक प्रावधान कएल गेल अछि। ओ कहलनि पड़ोसी राज्यसँ जल अनबाक व्यवस्था करब ताकि दिल्लीवासीक घर उचित मात्रामे जल भेटि सकय।
सीएम रेखा गुप्ता घोषणा कएलनि जे आब दिल्लीक टैंकर सभकेँ जीपीएस सिस्टमसँ जोड़ल जायत, जाहिसँ पानीक आपूर्तिमे पारदर्शिता आनल जा सकय। टैंकर सभक ट्रैकिंगसँ ई सुनिश्चित कएल जायत जे जल उचित स्थान पर पहुँचय आ कोनो घोटाला नहि होय। संगहि इंटेलिजेंट मीटर सेहो लगाओल जायत, जे पानिक खपत केर सही हिसाब राखत।
दिल्ली केर सीवेज आ यमुना सफाईक लेल 9 हजार करोड़ टका केर बजट राखल गेल अछि। मुख्यमंत्री गुप्ता कहलनि जे स्वच्छता आ साफ पानि दिल्लीक पहिचान बनत। यमुना नदीक सफाई आ सीवेज सिस्टम केर सुधार लेल ई बजट पुरान सरकार सभक तुलनामे तिगुना अछि। गुप्ता बतौलनि जे पुरान सीवेज ट्रीटमेंट प्लांट केर 500 करोड़ टकाक लागतसँ सुधारबाक योजना बनाओल गेल अछि।
दिल्लीमे झुग्गी-झोपड़ी आ जेजे क्लस्टरक विकास लेल 696 करोड़ रुपयाक बजट आवंटित कएल गेल अछि। एकर संगहि प्रधानमंत्री आवास योजनाक तहत 20 करोड़ रुपया सेहो देल गेल अछि। गुप्ता आर्थिक रूपसँ कमजोर वर्ग लेल 100 ठाम पर अटल कैंटीन खोलबाक घोषणा कएलन्हि, एही लेल 100 करोड़ रुपयक बजट निर्धारित कएल गेल अछि।
रेखा गुप्ता कहलनि जे दिल्ली सरकार नव औद्योगिक नीति ल’ क’ आएत, जे औद्योगिक समस्याक समाधन करत। एहि केर अलावा, एकटा नव वेयरहाउसिंग पॉलिसी सेहो लागू कएल जायत आ सिंगल विंडो सिस्टमक शुरूवात होयत, जे औद्योगिक गतिविधिक बढ़ावा देत।
सीएम गुप्ता दिल्लीकेँ देशक सभसँ पैघ व्यापारिक केंद्र बनाबयकेँ संकल्प लेलन्हि। हुनकर कहब छल जे दिल्ली पहिने व्यापार आ उद्योगक केंद्र छल, मुदा अब कुप्रबंधनक कारण व्यापारी आ उद्योगकेँ कतेको समस्यासँ सामना भऽ रहल अछि। एहि बजट द्वार दिल्लीमे व्यापारी आ स्टार्टअप सभक लेल अनुकूल वातावरण तैयार कएल जायत। सरकार गरीबक लेल घर आ शौचालय बनाओत।
मुख्यमंत्री कहलनि जे हुनकर सरकार केवल वादा नहि करैत अछि, बल्कि पूरा करैत अछि। ओ दिल्लीवासीकेँ विश्वास दियेलन्हि जे हुनकर सरकार सदा ओहि लोक सभक पक्षमे काज करत। गुप्ता कहलनि जे पहिलुक सरकार अपना लेल पैघ महल बनाबैत छल, हुनकर सरकार गरीबक लेल घर बनाएत आ झुग्गीवासीक लेल शौचालय बनाएत।
दिल्लीमे आर्थिक रूपसँ कमजोर वर्ग लेल 100 अटल कैंटीन खोलबाक योजना अछि, जाहि कऽ उद्देश्य भोजनक बुनियादी जरूरत पूरा करब अछि। एहि लेल 100 करोड़ रुपये कऽ प्रावधान कएल गेल अछि। गुप्ता कहलनि जे ई योजना दिल्लीक एकटा नव रूप देत आ आर्थिक विकासक लेल एक मजबूत आधार तैयार करत। सरकार दिल्लीक समृद्ध आ सशक्त बनाबय लेल संकल्पित अछि। झुग्गी बस्तीक विकासक लेल 696 करोड़ रुपयाक बजट राखल गेल अछि आ एही योजनाक उद्देश्य दिल्लीक समृद्धिमे ओहि इलाकाकेँ सेहो समावेश करब अछि, जे आई तक उपेक्षित रहल अछि। गुप्ता कहलनि जे हुनक सरकारक सपना एक समृद्ध आ सशक्त दिल्ली केर अछि आ एकरख लेल हम लगातार काज करब।
