सप्लीमेंट्री रिजल्ट लेल शिक्षा मंत्री सुनील कुमार कहलनि जे निर्णय हमरा लोकनिकेँ लेबय केर अछि आ हिसाबसँ लेब। जत’धरि संभव हेतै मदत करब। 28 मार्चकेँ पाँच बजे केर बाद एहि पर जरूर किछु निर्णय करब।
टीआरई 3 केर शिक्षक अभ्यर्थी सप्लीमेंट्री रिजल्टक मांगक लेल लगातार धरना-प्रदर्शन कऽ रहल छथि। कतेक बेर ओ लोकनि शिक्षा मंत्री सुनील कुमारक निवासकेँ सेहो घेराव कयलनि। सोमदिन (24 मार्च, 2025) सेहो शिक्षक अभ्यर्थी सुनील कुमारक निवासक बाहर बैसल छलाह।
हालांकि शिक्षा मंत्री अभ्यर्थीक संग समझौता कएलनि। हुनकासँ बात कएलनि। मीडियासँ बात कएलनि। सप्लीमेंट्री रिजल्टक लेल शिक्षा मंत्री आश्वासन देलनि, कतेको अभ्यर्थी लिखित रूपमे एकरा देबय लेल कहि रहल छलथि। अपन बात कहि जखनि शिक्षा मंत्री आगू बढ़लथि तऽ अभ्यर्थी सभक भीड़ शिक्षा मंत्रीक संगहि चलय लागल आ एहि तरहेँ किछु दूर धरि शिक्षा मंत्री सुनील कुमारकेँ पैदल चलय पड़ल।
शिक्षा मंत्री कहलनि कि बीपीएससीसँ बैसि कऽ चर्चा करब। कोनो ने कोनो समाधान निकालब। हितमे निर्णय केर प्रयास करब।
