बिहारक राजधानी पटनामे उपद्रवी सभक मनोबल एतेक ऊँच भऽ गेल अछि जे आब प्रशासनक प्रायः कोनो भय नहि रहल, तहिना बुझना जाइछ। दिनमे उपद्रवी अस्पतालमे प्रवेश करैत अछि। ओ गोली चलाबैत अछि, डॉक्टरकेँ गोली मारैत अछि आ आसानीसँ भागि जाइत अछि।
ई घटना शनिक दुपहरमे पटनाक एशिया अस्पतालमे भेल, जतय डॉ. सुरभि अपन केबिनमे खूनसँ लथपथ स्थितिमे भेटलीह।
अगमकुआं बिहारक राजधानी पटनामे अछि। अगमकुआंमे एकटा एशिया अस्पताल अछि, जे अपन ऐतिहासिक विरासत पर गर्व करैत अछि। ई अस्पताल शहरमे काफी प्रसिद्ध अछि। मुदा शनिक एकटा घटना भेल जे पूरा शहरकेँ हिला देलक। एतय उपद्रवी सभ दिनदेखारे अस्पतालमे घुसि महिला डॉक्टरकेँ गोली मारि देलक। घटनाक बाद उपद्रवी आसानीसँ भागि गेल।
मृतक महिला डॉक्टरख नाम सुरभि अछि, जे अस्पतालक निदेशक सेहो छलीह। महिला डॉक्टरक शरीर केबिनमे खूनसँ लथपथ अवस्थामे भेटल। बदमाश एक-दू नहीं, बल्की सात गोली मारलक। एहि घटनामे सुरभि गंभीर रूपसँ घायल भऽ गेलीह, जिनका इलाजक लेल लय जायल गेल। मुदा ओ नहि बचलथि आ हुनकर मृत्यु भऽ गेल। बदमाश सभ दिनदहाड़े एतेक पैघ घटनाक अंजाम देलक।
जनतब जे 12 बजे डॉक्टर सुरभि अपन घरसँ असगरे अस्पताल पहुँलीह। एकर बाद ओ अपन केबिनमे गेलीह। लगभग दू-ढाई घंटा बाद जखनि एकटि दीपक नामक अस्पतालक कर्मी हुनकर केबिनमे पहुँचल तखनि हुनकर मानू होश उड़ि गेल । फर्श पर डॉक्टर सुरभि खूनसँ लथपथ अवस्थामे छलीह। दीपक तुरंत अस्पतालक अन्य स्टाफकेँ जानकारी देलनि। सुरभिकेँ तुरंत पटनाक एम्स लय जायल गेल। जतय इलाजक दौरान सुरभिक मृत्यु भऽ गेल।
घटनाक जानकारी भेटलाक बाद अगमकुआँ थानाक पुलिस आ पटना सिटीक एसडीपीओ पहुँचैत छथि, मौकासँ ओतय गोलीक छह खोखा बरामद भेल।
पुलिस मामिलाक गहनतासँ जाँच कय रहल अछि। सीसीटीवी कैमराकेँ देखल जा रहल अछि। संगहि घटनाक बाद मौका पर एफएसएल केर टीमकेँ सेहो बजाओल गेल। एफएसएल टीम सेहो जाँचमे जुटल अछि।
सुरभि आ हुनकर पति अगमकुआं केर एशिया अस्पतालक संचालक छथि आ सुरभि निर्देशक सेहो छलथि। घटनाक दिन सुरभि केर पति राकेश किछु कारणसँ अस्पताल नहि जाए सकलथि आ वापसी पर सुरभि केर खाना पर इंतजार कए रहल छलाह, मुदा हुनका सुरभिक हत्याक जानकारी भेटल। सुरभिकेँ दूटा बच्चा सेहो अछि। आब पुलिस सभ पहलूसँ मामिलाक जांच कऽ रहल अछि आ पता लगाएबाक प्रयास कऽ रहल अछि जे की ई वारदात केकरोसँ कोनो रंजिशक कारण भेल। की सुरभिक ककरोसँ दुश्मनी छल अथवा हत्याक किछु आओर कारण अछि। समाचार सम्प्रेषण तक आपराधिक कोनो पहिचान उजागर नहि भेल छल आ नहिं कोनो गिरफ्तारी भेल छल।
