बिहार बजट 2025 मे एहि साल बिहारक बजट 3 लाख 17 हजार करोड़क प्रस्तुत भेल अछि। बजटमे सब्जी उत्पादक समितिक गठनक घोषणा कयल गेल। महिलाक लेल छात्रावासक स्थापना कयल जायत।
वित्त मंत्री सम्राट चौधरी सोम (3 मार्च) केँ सदनमे बिहारक बजट पेश कयलनि। एनडीए सरकारक कार्यकालक ई अन्तिम बजट अछि। चूँकि ई चुनावी साल अछि, नीतीश सरकार बिहारक जनताकेँ उपहार देलक अछि। बिहारक लेल एहि सालक बजट 3 लाख 17 हजार करोड़क अछि।
छात्र क्रेडिट कार्डक लेल 1,000 करोड़
पंचायती राज संस्थानक लेल 4,012 करोड़
पटनामे महिलाक लेल जिम ऑन व्हील्स (चलंत व्यायामशाला)
सब्ऐ उत्पादक समितिक गठन
कामकाजी महिलाक लेल छात्रावासक स्थापना
कन्या मंडपमे गरीब लड़कीक विवाह
सभ जिलामे आधुनिक बस अड्डा
मूंग, अरहर, आ उड़ीदक दालि न्यूनतम समर्थन मूल्य (एमएसपी) पर खरीदल जायत।
महिला सभक लेल गुलाबी बस संचालित कएल जाएत। सब चालक आ कंडक्टर महिला होएत। सभ जिलामे महिला वाहन संचालन केन्द्रक स्थापना। प्रशिक्षक सेहो महिला होएत। शिक्षा विभाग ₹60,974 करोड़ खर्च करत। सुधाक तर्ज पर तरकारीक दोकान खोलल जायत। अगिला तीन मासमे पूर्णिया हवाई अड्डासँ उड़ान संचालित होयत। पिछड़ल क्षेत्रमे नगरपालिका चिकित्सा केन्द्र स्थापित कयल जायत। नहरक कातमे सौर ऊर्जा संयंत्र बनाओल जायत। राज्यक सभ पंजीयन कार्यालय पूर्ण रूपसँ कागजरहित होयत। देश या विदेशमे रहय वाला व्यक्तिक तरफसँ ऑनलाइन पंजीकरण संभव होयत। गो ग्रीन केर बढ़ावा देल जाएत। महिला सिपाही सभक पदस्थापन थानाक आसपास होएत आ राज्य सरकार द्वारा किरायापर आवास लऽ कऽ आवासीय सुविधा प्रदान कयल जाएत। राज्यक प्रमुख शहरमे महिला प्रशिक्षकक सङ्ग एकटा महिला वाहन संचालन प्रशिक्षण केन्द्र स्थापित कयल जायत। महिला स्वरोजगारकेँ बढ़ावा देबाक लेल महिला चालककेँ व्यावसायिक संचालनक लेल ई-रिक्शा आ दुपहिया वाहन किनबाक लेल नकद अनुदान देल जायत।
प्रत्येक ब्लॉकमे एकटा आउटडोर स्टेडियमक उपलब्धता सुनिश्चित कयल जायत। छात्रवृत्ति योजनाक अन्तर्गत छात्रवृत्ति दर दुगुना कयल जायत। एकरा लेल राज्य सरकार द्वारा लगभग २६० करोड़ टाकाक अतिरिक्त वार्षिक व्ययक अनुमान अछि। मुख्यमंत्री अनुसूचित जाति आ अनुसूचित जनजाति छात्रावास अनुदान योजनाक अन्तर्गत छात्रावास अनुदानक वर्तमान दर १००० रुपया प्रति माससँ दुगुना कऽ २,००० रुपया प्रति माह कऽ देल जायत। कैंसर सन गंभीर बीमारीक रोकथाम आ उपचारक लेल एकटा “बिहार कैंसर केयर सोसाइटी”क स्थापना कयल जायत। बेगूसरायमे एकटा कैंसर अस्पतालक स्थापना कयल जायत।
सार्वजनिक-निजी भागीदारी (पीपीपी) के आधार पर नव सरकारी मेडिकल कॉलेज खोलल जायत। निजी क्षेत्रक सहयोगसँ राज्यमे नव निजी मेडिकल कॉलेजक संचालन कयल जायत। वर्तमानमे राज्यक ५३४ प्रखंडमेसँ ३५८ प्रखण्डमे कोनो सम्बद्ध/राज्य डिग्री कॉलेज नहि अछि। एहि प्रखंडसभमे चरणबद्ध तरीकासँ एकटा डिग्री कॉलेज (सरकारी/निजी)क स्थापना सुनिश्चित कयल जायत। 2027 तक बिहारक कोनो-कोना सँ पटना चारि घंटामे पहुँच योग्य भऽ जायत।
बजटमे कहल गेल अछि जे देशक कोनो राज्यमे महिला पुलिस अधिकारीक सबसँ बेसी भर्ती बिहारमे भेल अछि। सम्राट चौधरी कहलनि जे मुख्यमंत्री नीतीश कुमारक नेतृत्वमे हमर सरकार छह घंटामे पटना पहुँचबाक निर्णय लेलक। आब नीतीश कुमार निर्णय लेलनि अछि जे 2027 धरि बिहारक कोनो कोनसँ चारि घंटाक भीतर राज्य मुख्यालय पटना पहुँचल जाएत।
राजगीर, सुल्तान गंज (भागलपुर), आ रक्सौलमे हवाई अड्डाक विकास कयल जायत। तहिना मुजफ्फरपुर हवाई अड्डाक संग-संग भागलपुर, वाल्मीकिनगर, वीरपुर (सुपौल), मधुबनी, मुंगेर, आ सहरसा सन छोट-छोट हवाई अड्डा उड़ान योजनाक अन्तर्गत विकसित कयल जायत। ई हवाई अड्डा १९ सीट धरि क्षमतावला छोट विमानक संचालनक लेल तैयार कयल जायत। ई सभ योजना बिहारमे हवाई सम्पर्ककेँ मजबूत करत, आ क्षेत्रीय आर्थिक विकासकेँ बढ़ावा देत।
