भारतीय रिजर्व बैंक (आरबीआई)क पूर्व गवर्नर शक्तिकान्त दासकेँ प्रधानमंत्री नरेन्द्र मोदीक प्रधान सचिव-२ नियुक्त कयल गेल अछि। एहि नियुक्ति केर एकटा महत्वपूर्ण प्रशासनिक परिवर्तनक रूपमे देखल जा रहल अछि।
शक्तिकान्त दास, जे पहिने आरबीआई गवर्नरक रूपमे काज कऽ चुकल छथि, आब प्रधानमंत्री कार्यालयमे उच्च प्रशासनिक जिम्मेदारी सम्हारताह। शक्तिकान्त दास एकटा प्रतिष्ठित आ अनुभवी अधिकारी छथि जे भारतीय अर्थव्यवस्था आ वित्तीय प्रणालीमे महत्वपूर्ण योगदान देने छथि।
आरबीआई गवर्नरक रूपमे काज करैत ओ देशक मौद्रिक नीति आ वित्तीय क्षेत्रक कतेको महत्वपूर्ण निर्णयक हिस्सा रहल छथि। प्रधानमन्त्री कार्यालयमे हुनक नियुक्ति एहन समयमे भेल अछि जखनि देशकेँ आर्थिक सुधार आ रणनीतिक निर्णयक आवश्यकता अछि। सचिव-२क रूपमे शक्तिकान्त दास प्रधानमन्त्री कार्यालयमे प्रमुख प्रशासनिक आ नीतिसँ सम्बन्धित मुद्दा पर काज करताह। एहि भूमिकामे ओ प्रधानमंत्री नरेन्द्र मोदीक सहयोगसँ देशक विकाससँ सम्बन्धित रणनीतिक निर्णय लेताह।
