लोकसभामे प्रतिपक्षक नेता राहुल गांधी सोमदिन भाजपा आ आरएसएस पर बीआर अम्बेडकर आ हुनक द्वारा तैयार कयल गेल संविधानक अपमान करबाक आरोप लगओलनि। ओ पार्टी कार्यकर्तासभसँ कहलनि जे ओ संविधानकेँ सत्तामे रहनिहारसँ बचाबय लेल काज करथि।
‘जय बापू, जय भीम, जय संविधान’ रैलीकेँ सम्बोधित करैत गाँधी इहो घोषणा कयलनि जे केन्द्रमे सत्तामे अयलाक तुरन्त बाद कांग्रेस देशव्यापी जातिगत जनगणना करत। ओ आरोप लगओलनि जे प्रधानमंत्री नरेन्द्र मोदी एहेन काज कहियो नहि करताह।
गाँधी इहो कहलनि जे कांग्रेस आरक्षणक ५० प्रतिशतक सीमा समाप्त कऽ लोकसभा आ राज्यसभा दुनूमे एहि सम्बन्धमे कानून आनत।
भाजपा नेतृत्व वला केंद्र सरकार पर अरबपतिक लेल काज करबाक आरोप लगबैत ओ कहलनि जे दलित, पिछड़ा, आदिवासी आ गरीबकेँ एक बेर फेर गुलाम बनाओल जा रहल अछि किएक तँ रोजगारक अवसर नष्ट भऽ रहल अछि आ देशक धन मात्र किछु पूँजीपतिकेँ सौंपल जा रहल अछि।
