बीपीएससी परीक्षा रद्द नहि होयत, ३४ अभ्यर्थीकेँ कारण बताओ नोटिस, बापू केंद्र पर नव तिथि जारी

पटना
*

बीपीएससी अध्यक्ष परमार रवि मनुभाई कहलनि जे परीक्षा रद्द नहि कयल जायत। ओतहि बापू सेंटरक रद्द परीक्षा ४ जनवरीकेँ होएत, जाहिमे लगभग १२ हजार अभ्यर्थी उपस्थित हेताह।

बिहार लोक सेवा आयोग (बीपीएससी) केर अध्यक्ष परमार रवि मनुभाई मंगल दिन ७०म एकीकृत संयुक्त प्रतियोगी परीक्षा (सीसीई) केँ रद्द करयसँ मना कऽ देलखिन। ओ इहो स्पष्ट कयलनि जे जिला प्रशासन द्वारा प्रस्तुत रिपोर्टक आधार पर मात्र बापू परीक्षा परिसर केन्द्र पर आयोजित परीक्षा फेरसँ आयोजित करबाक निर्णय लेल गेल अछि, जे ४ जनवरी केँ होयत। बीपीएससी द्वारा ३४ अभ्यर्थीकेँ कारण बताओ नोटिस जारी कयल गेल अछि। हुनका लोकनिकेँ १३ दिसम्बरकेँ बापू परीक्षा केन्द्रमे व्यवधान उत्पन्न करबाक दोषी पाओल गेल अछि।

आयोग द्वारा ७०म पीटी परीक्षाक अभ्यर्थी सभसँ अप्रैल २०२५ मे सम्भावित परीक्षाक तैयारी करबाक अनुरोध कयल गेल अछि। ओ कहलनि जे एखनि मात्र बापू परीक्षा केन्द्रमे फेरसँ परीक्षा देबयवाला अभ्यर्थीकेँ प्रारंभिक परीक्षाक तैयारी करबाक चाही जे ४ जनवरीकेँ होबयवला अछि। आयोगक तरफसँ कहल गेल अछि, “१३ दिसंबरकेँ भेल बीपीएससी परीक्षा रद्द करबाक कोनो सवाल नहि अछि। कारण बताओ नोटिस जारी कैल गेल ३४ उम्मीदवारक कारण बताओ नोटिसकेँ जवाब २६ दिसंबर तक देबय लेल कहल गेल अछि।

एकर संगहि बीपीएससी अध्यक्ष कहलनि जे फेर परीक्षा लेल अभ्यर्थी द्वारा प्रदर्शनमे शामिल सब कोचिंग संस्थानक खिलाफ सख्त कारवाई कयल जायत। ओ कहलनि जे आयोग द्वारा कहल गेल अछि जे किछु अवांछनीय तत्व १३ दिसम्बरकेँ आयोजित ७०म पीटी परीक्षाक बारेमे अफवाह पसारि रहल छथि जे प्रश्न पत्र एकटा कोचिंग संस्थानक मॉडल पेपरसँ लेल गेल अछि। बीपीएससी आयोग कहलक जे ७०म संयुक्त परीक्षा बिना कोनो तथ्यक फेरसँ आयोजित करबाक मांग अतार्किक अछि।

एडमिट कार्ड २७ दिसंबरकेँ डाउनलोड कएल जाएत।
पटनाक बापू सेंटरकेँ रद्द परीक्षा के बदला ४ जनवरीकेँ होबय वाला परीक्षाक अभ्यर्थी २७ दिसंबरकेँ एडमिट कार्ड डाउनलोड कऽ सकैत छथि। ४ जनवरीकेँ लगभग १२,००० अभ्यर्थीकेँ फेरसँ परीक्षा देबाक मौका देल जायत। अभ्यर्थीकेँ परीक्षा केंद्रमे ११ बजे तक भर्ती कएल जाएत। परीक्षा दुपहरिया १२ बजेसँ दुपहरिया २ बजे धरि होएत।