बेनीपुर विधानसभा क्षेत्रक बूथ संख्या 145 ग्राम कटवासामे भाजपा बूथ अध्यक्ष गजेंद्र यादवक अध्यक्षतामे महान किसान नेता आ देशक पाँचम प्रधानमंत्री श्रद्धेय चौधरी चरण सिंहक जन्म जयंतीकेँ किसान दिवसक रूपमे मनाओल गेल।
एहि अवसर पर भाजपा किसान मोर्चाक जिला महामंत्री सह बेनीपुर विधानसभा संयोजक मुनीन्द्र यादव कहलनि जे देशक दिव्यदर्शी प्रधानमंत्री नरेंद्र मोदी चौधरी चरण सिंहक सपनाकेँ साकार कऽ रहल छथि। हुनकर कृतित्व आ व्यक्तित्व पर चर्चा करैत श्रद्धेय चौधरीकेँ किसानक बुलंद आवाज बतेलनि। ओ कहलनि जे किसान कल्याणक माध्यमसँ ग्रामीण भारतक समग्र उत्थान आ वंचित समाजक सशक्तिकरण लेल अपन सर्वस्व जीवन समर्पित करयवला नेता छलाह।
विधानसभा संयोजक यादव कहलनि जे 2001 मे श्रद्धेय अटल बिहारी बाजपेयीक नेतृत्व वाला भाजपा सरकार चौधरी चरण सिंहक जन्मदिनकेँ राष्ट्रीय किसान दिवसक रूपमे मनेबाक निर्णय लेने छल आ फरवरी 2024 मे मोदी सरकार किसान नेता चौधरी चरण सिंहकेँ देशक सर्वोच्च नागरिक सम्मान भारत रत्नसँ सम्मानित कय करोड़ो किसानक सम्मान देबाक काज कयलन्हि।
एहि अवसर पर राम उदगार यादव , रविन्द्र यादव , गंगा यादव , यशश्वी यादव , राजगीर यादव , योगी यादव , सोमन यादव , मो० उस्मान , राधे यादव , पवन राम , रघुवीर यादव , सुशील राम , महिंदर यादव , मो० साकिर सहित दर्जनों किसान भाई उपस्थित छलथि।
