दरभंगा जिलामे बाजितपुर थाना क्षेत्रक लहेरियासरायमे एकटा मस्जिद लग राम विवाहक झांकी पर पथराव भेलाक बाद झड़प भS गेल। हजारो लोक राम विवाह झांकी निकालि रहल छलाह। जखनि झांकी मस्जिद लग पहुँचल तखनि अचानक पथराव शुरू भऽ गेल। जाधरि झांकीमे शामिल लोक अपनाकेँ सम्हारि सकितथि, ताधरि कतेको लोक घायल भऽ गेल।
एकर बाद दुनू पक्षक लोकक भीड़ उमड़ि पड़ल। एहि झड़पमे दुनू पक्षक लोक घायल भेल अछि। झांकी तैरानीसँ निकालल गेल जे बाजितपुरक एकटा मन्दिरमे जयबाक छल। जखनि बारात मन्दिर लग पहुँचल तखनि दोसर पक्षक लोक पाथर फेकलक। राम विवाह झांकी पर पथरावक घटनाक सूचना भेटिते शहरक एसपी अशोक कुमार आ एसडीएम विकास कुमार भारी पुलिस बलक संग घटनास्थल पर पहुँचलाह। फिलहाल, मामिलाकेँ विराम देल गेल अछि। दुनू पक्षसँ गपशप कऽ स्थिति नियंत्रणमे आनल गेल अछि। मुदा, एहि क्षेत्रमे एखनो तनाव अछि।
बिहार पुलिस एहि संबंधमे अलर्ट मोडमे अछि। प्रशासन दावा कयलक अछि जे स्थिति नियंत्रणमे अछि। पुलिस हिंसाक मुख्य कारणक जाँच कऽ रहल अछि। पुलिसक कहब अछि जे लोक पिछला २० सालसँ एतय झांकी निकालि रहल छथि। पुलिस असामाजिक तत्वक खोजमे अछि जे जानिबूझि कऽ झांकी पर पथराव कऽ माहौल खराब करबाक प्रयास कयलक जे शान्तिपूर्वक निकालल जा रहल छल। पुलिस पत्थरबाजक पहिचान करबाक लेल सोशल मीडिया पर वायरल वीडियो आ क्षेत्रक सीसीटीवी फुटेज स्कैन कऽ रहल अछि।
