भारतीय संविधानक शिल्पकार बाबासाहेब डा भीमराव अंबेडकर केर पुण्यतिथि शुक्रदिन सीएम साइंस कॉलेजमे मनाओल गेल। प्रधानाचार्य कक्षमे आयोजित कार्यक्रममे उपस्थित शिक्षक आ शिक्षकेत्तर कर्मचारी हुनक चित्र पर पुष्प अर्पित कऽ हुनका भाव भरल श्रद्धांजलि देलनि।
मौका पर प्रधानाचार्य प्रो दिलीप कुमार चौधरी कहलनि जे भारतक संविधान केर निर्माणमे ओ महत्त्वपूर्ण योगदान दऽ देशमे मजबूत लोकतंत्रक नींव रखलनि। बाबा साहेब एकटा लोकप्रिय राजनीतिज्ञ, विधिवेत्ता, पत्रकार, दार्शनिक, समाज सुधारक, इतिहासकार, लेखक, अर्थशास्त्री, शिक्षाविद, स्वतंत्रता सेनानी सन अनेक प्रतिभाक धनिक छलाह। जीवनमे अनेक कठिनाई केर बावजूद ओ कहियो हारि नहि मानलनि।
कार्यक्रममे डा उमेश कुमार दास, डा सत्येंद्र कुमार झा, डा अजय कुमार ठाकुर, डा रोहित कुमार झा, प्रवीण कुमार झा, आदित्य नाथ झा, चेतकर झा, जितेंद्र राम, मिश्री साह, दिलीप मंडल, राम नारायण साह, जय नारायण यादव, विकास कुमार आदि उपस्थित रहथि।
