राजस्थानमे भेल विधानसभा उपचुनावक परिणाम क्रमशः आबि रहल अछि। प्राप्त जानकारीक अनुसार चौरासी विधानसभा सीट पर उपचुनावमे ‘भारतीय आदिवासी पार्टी’क जीत भेल अछि।
चौरासी विधानसभा सीट पर पार्टीक उम्मीदवार अनिल कुमार कटारा बीजेपी केर करीलालकेँ २४३७० वोटसँ हरौलनि अछि।
राजस्थानमे कुल ७ टा विधानसभा सीटक उपचुनाव भेल अछि, जाहिमे चौरासी विधानसभा सीटक उपरोक्त परिणाम आबि गेल अछि।
१५ राज्यक ४८ विधानसभा सीट सहित लोकसभाक दू टा सीट पर उपचुनाव भेल अछि। जाहिमे उत्तरप्रदेश ०९, राजस्थान ०७, पश्चिम बंगाल ०६, असम ०५, पंजाब ०४, बिहार ०४, कर्नाटक ०३, केरल ०३ सीट अछि। पुनः वायनाड एवं उत्तराखंडक केदारनाथ सीट पर सेहो लोकक दृष्टि अछि।
