बिहारक शिक्षित बेरोजगार युवाक लेल एकटा नीक खबरि अछि। राज्य सरकारक श्रम संसाधन विभागक योजना आ प्रशिक्षण निदेशालयक पहल पर ९ जिलामे रोजगार व्यावसायिक मार्गदर्शन मेलाक आयोजन कयल जायत। ई मेला १८ सँ २९ अक्टूबरक बीच अलग-अलग जिलामे अलग-अलग तिथि पर आयोजित कयल जायत। श्रम विभागक सचिव दीपक आनन्द कहलनि जे राज्य सभ जिलाक तकनीकी आ गैर-तकनीकी क्षेत्रमे योग्यता रखनिहार आवेदक लेल निजी क्षेत्रमे रोजगार प्राप्त करबाक स्वर्णिम अवसर प्रदान करैत अछि। दीपक आनंद बतौलनि जे रोजगार मेलामे कतेको कंपनी आओत। संगहि युवा सबकेँ मार्गदर्शन देल जायत जे युवाके आगाँ की करय केर चाही, जाहिसँ हुनका रोजगार भेटयमे कोनो दिक्कत नहि होय, आ एकरा लेल अलगसँ स्टॉल लगायल जा रहल अछि। ई मेला नौ जिलामे आयोजित होएत।
• मेला 18 अक्टूबर कs नवादा सरकारी आईटीआई परिसरमे आयोजित होयत।
• 19 अक्टूबर कs कोशी कॉलेज कैंपस खगड़ियामे मेलाक आयोजन होयत।
• मेला २१ अक्टूबरकेँ सरकारी आईटीआई बेगूसरायमे आयोजित कयल जायत।
• 22 अक्टूबरकेँ संयुक्त श्रम भवन बिहार शरीफ ब्लॉक परिसरमे मेलाक आयोजन होयत।
• २३ अक्टूबरकेँ मेला इस्लामिया प्लस टू हाई स्कूल, शेखपुरामे आयोजित कयल जायत।
•२४ अक्टूबरकेँ होली मिशन हाई स्कूल, मोहनपुर रोड, समस्तीपुरमे मेला लागत।
• मेला २५ अक्टूबरकेँ सरकारी आईटीआई राम नगर परिसर, दरभंगामे आयोजित कयल जायत।
• 28 अक्टूबर कs वाटसन प्लस टू हाई स्कूल, मधुबनीमे मेलाक आयोजन होयत।
• मेला 29 अक्टूबर कs संयुक्त श्रम भवन सुपौलमे आयोजित होयत।
दीपक आनंद बतौलनि जे ई रोजगार मेला निर्धारित तिथि पर भोर १० बजेसँ साँझ ४ बजे धरि चलत। एकरा लेल सबके एनसीएस पोर्टल पर पंजीकरण करय पड़त। जँ कियो ऑनलाइन पंजीयन नहि कऽ पाबि रहल अछि तखन ओकरा लेल मेलामे पंजीकरणक व्यवस्था सेहो कयल गेल अछि।
