हॉकीक १४ अक्टूबरसँ ५ राज्यमे ट्रॉफी टूर, ११ नवम्बरसँ अंतर्राष्ट्रीय महिला हॉकी चैम्पियनशिप शुरू

नालंदा
*

एशियाक छओ प्रमुख टीम – भारत, चीन, जापान, मलेशिया, थाईलैंड आ दक्षिण कोरिया – ११ सँ २० नवम्बर धरि नालंदाक राजगीर खेल परिसरमे आयोजित होबयवला अंतर्राष्ट्रीय महिला हॉकी चैम्पियनशिपमे भाग लेत। तैयारी पूरा भऽ चुकल अछि आ आब सोमदिन ट्रॉफी दौराकेँ झंडी देखा कऽ रवाना कयल जायत।

“हॉकी का पर्व बिहार का गर्व”क अन्तर्गत नालन्दा जिलाक खेल अकादमी खेल विश्वविद्यालय राजगीरमे पहिल बेर महिला एशियाई हॉकी चैम्पियनशिप ट्रॉफी २०२४ शुरू होमय जा रहल अछि।

मुख्यमंत्री नीतीश कुमार १४ अक्टूबरकेँ पटनामे एहि दौराकेँ झंडी देखा कऽ रवाना कयलथि। जानकारीक अनुसार ई ट्रॉफी बिहार सहित पांच राज्यमे २९ दिन तक कयल जाएत।

एम्हर खेल अकादमी राजगीरक निदेशक रविन्द्र शंकरण बतौलनि जे मुख्यमंत्री नीतीश कुमार द्वारा ट्रॉफी दौराकेँ झंडी देखा कऽ रवाना कयलाक बाद ई दौरा हरियाणा, पंजाब, उड़ीसा, झारखण्डमे होयत। एहि राज्यक भ्रमण कयलाक बाद ई १९ अक्टूबरकेँ बिहारक भूमि पर आपस आबि जायत। एकर बाद ई बिहारक सभ जिलाक भ्रमण कऽ ७ नवम्बरकेँ नालंदा पहुँचत।

जनतब जे ई ट्रॉफी टूर नालन्दा जिलाक सभ प्रखंडमे सेहो कयल जायत। जिलाक सभ जनप्रतिनिधिक अतिरिक्त ट्रॉफी दौराक स्वागत जिला प्रशासन, स्थानीय प्रशासन, खेलाड़ी, आम जनता द्वारा कयल जायत। एहिसँ बिहारमे खेलक प्रति लोककेँ प्रोत्साहन भेटत। खास बात ई अछि जे खेल उपलब्धिमे बहुत पाछू रहल बिहार आइ खेल जगतमे एकटा नव पहचान बनाबय जा रहल अछि।

एशियाई महिला हॉकी खेल ११ नवम्बरसँ शुरू होयत।
खेल निदेशक रविन्द्र शंकरण कहलनि जे जिलामे ट्रॉफी टूर भ्रमणक बाद ई ट्रॉफी ११ नवम्बरकेँ खेल अकादमी खेल विश्वविद्यालय राजगीर परिसर पहुँचत। एशियाई महिला हॉकी चैम्पियनशिपक उद्घाटन ओही दिन फेरसँ एतय कयल जायत।

भारतक अतिरिक्त चीन, थाईलैंड, जापान, दक्षिण कोरिया, मलेशियाक महिला हॉकी खेलाड़ी ११ सँ २० नवम्बर धरि आयोजित होबयवला एशियाई महिला हॉकी खेलमे भाग लऽ रहल छथि। ई प्रतिदिन तीन खेलक मेजबानी करत, जाहिमे भारतीय टीम अंतिम क्षणमे खेलत।

कहल जा रहल अछि जे भारतक सभ मैच साँझ साढ़े सात बजेसँ आयोजित कयल जायत। महिला हॉकी खेलाड़ी जे प्रतिदिन नीक प्रदर्शन करैत छथि हुनका सम्मानित कयल जायत। एकर बाद ट्रॉफी जीतयवला खेलाड़ीकेँ २० नवम्बरकेँ खेल समाप्त भेलाक बाद ट्रॉफी, शील्ड सहित अन्य उपहारसँ सम्मानित कयल जायत। एहि खेल परिसरमे खेल देखनिहार दर्शकक लेल निःशुल्क प्रवेश होयत। कहल जा रहल अछि जे भीड़ केर देखैत तीन पाली बनाओल गेल अछि आ दर्शक अलग-अलग पालीमे प्रवेश करत।