जारी मिथिलाक्षर पक्षक बारहम दिन डा० सुष्मिता झा”क नाम रहल
संगहि ज्ञानेन्द्र भास्करक प्रस्तुती सेहो सराहनीय रहल
*
मधुबनी समदिया
*
मिथिलाक्षर साक्षरता अभियानक ग्यारहम स्थापना दिवस पाक्षिक समारोहक बारहम दिन यानि ६ अक्टूबरक कार्यक्रम जानल-मानल गायिका डाॅ. सुष्मिता झा’क नाम रहल।तहिना चर्चित गायक ज्ञानेन्द्र भास्करक प्रस्तुती सेहो सराहनीय रहल।
दिन प्रतिदिन कार्यक्रमक ग्राफ सफलताक दृष्टिकोणसॅं उपर उठल जा रहल अछि। आजुक कार्यक्रमक शुरूआत प्रसिद्ध गायिका डा० सुष्मिता झा गोसाउनिक गीत जय जय भैरव असुर भवाउनीसॅं कयलैन। पुनः अपन कोकिल स्वरसँ श्रोतागणक मोनकेँ मुग्ध करयवाला भांति-भांतिक प्रस्तुति देलनि। विद्यापतिक गीत ‘आजु नाथ एक व्रत’ आदि, संगहि रविन्द्र ठाकुर रचित ‘प्रिय प्राण नाथ सादर प्रणाम’ एहि तरहक आनेकों गीत, भक्ति गीत, समदाउन आदिक प्रस्तुत देलनि।
पुनः आइ चर्चित गायक ज्ञानेन्द्र भास्कर सेहो उपस्थित भेलैथ आ अपन प्रस्तुतीसँ श्रोतागणकेँ बन्हने रहलथि। ‘चंदा जुनि उगि आजुक राति’, ‘सनेहिया विसरि वैसल अछि गाम’, आदि गीतक संग श्रोताकेँ मंत्रमुग्ध कयलनि।डा०सुष्मिता झा आ ज्ञानेन्द्र भास्कर दूनू मिथिलाक्षर साक्षरता अभियानक आभियानी सेहो छथि।
