बिहारमे चलि रहल भूमि सर्वेक्षणक दौरान बहुत रास रैयत जमीनक दस्तावेजकेँ लऽ कऽ परेशान छथि। ओ सभ क्षेत्रीय कार्यालयक चक्कर लगा रहल छथि। कटिहार जिलामे सेहो सर्वेक्षणक दौरान कतेको समस्या आबि रहल अछि। एहि समस्यासभकेँ गम्भीरतासँ लैत स्थानीय सांसद तारिक अनवर मुख्यमंत्री नीतीश कुमार आ राजस्व आ भूमि सुधार मंत्री दिलीप जायसवालकेँ पत्र लिखलनि। जाहि मे ओ विशेष भूमि सर्वेक्षण के एक सालक लेल स्थगित करय के मांग कयलनि ।
कांग्रेस सांसद तारिक अनवर मुख्यमंत्री नीतीश कुमार आ राजस्व भूमि सुधार मंत्री दिलीप जायसवालकेँ चिट्ठी लिखि कहलनि अछि जे बिहारमे भूमि सर्वेक्षण करबाक प्रक्रियाक घोषणा कऽ देल गेल अछि। मुदा कटिहार आ राज्यक अन्य भागक यात्राक क्रममे हमरा पता चलल जे भूमि सर्वेक्षण पर आम जनमत ई छल जे एकरा एक साल लेल स्थगित कऽ देल जयबाक चाही। तारिक अनवर कहलनि जे बहुत रास भूमि सर्वेक्षण लम्बा अन्तरालक बाद पूरा कयल जायत। जाहि कारण आम लोक बहुत घबराइत अछि। एकर कारण ई अछि जे जमीनक मालिक अपन पुरान स्वामित्व कागजक संग तैयार नहिं छथि। पुरान सीएस या आरएस सर्वेक्षणक बाद आब तीन-चारि पीढ़ीक बाद एकटा नव सर्वेक्षणक घोषणा कयल गेल अछि। एहेन स्थितिमे पुरान दस्तावेज आ कागज जमा करब कठिन बुझाइत अछि। एहि परिस्थितिकेँ ध्यानमे रखैत तारिक अनवर चिट्ठीक माध्यमसँ मुख्यमंत्री आ राजस्व भूमि सुधार मंत्रीसँ अनुरोध कयलनि अछि जे जमीन धारककेँ पुरान कागजात आ दस्तावेज जमा करय लेल कमसँ कम एक सालक समय देल जाय आ एकरा लेल व्यापक प्रचार-प्रसार कयल जाय। तखने सर्वेक्षण प्रक्रिया शुरू करब उचित होयत।
