भारत आ सऊदी अरबक रक्षा सहयोग पर संयुक्त समिति (जेसीडीसी)क छठम बैसार रियाद मे भेल। दुनू देश दीर्घकालिक आ बहुआयामी रक्षा सहयोगकेँ आओर मजबूत करबाक नव मार्गपर चर्चा कयलक। सैन्य, प्रशिक्षण, रक्षा उद्योग, अनुसंधान आ विकास आदिक क्षेत्रमे जुड़ाव आ सहयोगक दायरा बढ़यबा पर विस्तृत चर्चा कयल गेल।
भारत आ सऊदी अरबक बीच सदियों पुरान आर्थिक आ सामाजिक-सांस्कृतिक सम्बन्धक आधार पर सौहार्दपूर्ण आ मैत्रीपूर्ण सम्बन्ध अछि। रक्षा सहयोग पर भारत-सऊदी अरब संयुक्त समितिक छठम बैसारकेँ दुनू देशक बीच द्विपक्षीय रक्षा सम्बन्धमे एकटा महत्वपूर्ण डेगक रूपमे देखल जा सकैत अछि।
उच्च स्तरीय वार्ताक अध्यक्षता संयुक्त रूपसँ भारतीय सशस्त्र सेनाक प्रभारी संयुक्त सचिव अमिताभ प्रसाद आ सऊदी अरबक रक्षा उपमंत्री मेजर जनरल सलमान बिन अवध अल-हारबी कयलनि।
बैसारक दौरान दुनू देशक अधिकारी रक्षा सम्बन्धक व्यापक समीक्षा कयलनि। बैसारमे सैन्य सहयोग, संयुक्त अभ्यास, विशेषज्ञक आदान-प्रदान, प्रशिक्षण कार्यक्रम आ औद्योगिक सहयोग सन विषय पर चर्चा कयल गेल। रियादमे भेल वार्ता सैन्य सम्बन्धकेँ मजबूत करबाक लेल दुनू देशक प्रतिबद्धताक परिचायक अछि।
