मास्कोमे रूसक राष्ट्रपति व्लादिमीर पुतिन कहलनि अछि जे चीन आ भारत आ ब्राजील यूक्रेन संकटकेँ समाप्त करबामे सम्भावित रूपसँ मध्यस्थक भूमिका निभा सकैत अछि। पुतिन कहलनि जे रूसक दुनू देशक सङ्ग मजबूत सम्बन्ध अछि, आ ओ वैश्विक शान्ति आ स्थिरतामे महत्वपूर्ण भूमिका निभा सकैत अछि। पुतिन कहलनि, “चीन आ भारत दुनू प्रमुख वैश्विक खिलाड़ी अछि आ यूक्रेन संकटक समाधानक लेल मध्यस्थताक क्षमता रखैत अछि। हुनकर निष्पक्ष दृष्टिकोण आ कूटनीतिक प्रभावसँ एहि युद्धकेँ समाप्त करबाक दिशामे महत्वपूर्ण प्रगति भऽ सकैत अछि।”
ई बयान एहेन समयमे आयल अछि जखन वैश्विक समुदायक नजरि यूक्रेन युद्धमे शान्ति वार्ताक सम्भावनापर अछि। रूस आ यूक्रेनक बीच चलि रहल संघर्षमे चीन आ भारत दुनू अपन तटस्थता कायम रखलक अछि आ शान्तिक अपील कयलक अछि।
भारतक प्रधानमन्त्री नरेन्द्र मोदी आ चीनक राष्ट्रपति शी जिनपिंग सेहो विभिन्न अवसरपर शान्ति आ कूटनीतिक समाधानपर जोर देलनि अछि। पुतिनक एहि बयानक बाद ई देखब बाकी अछि जे एहि दुनू देशक की भूमिका होइत अछि आ की ओ वास्तवमे शान्ति वार्ताक कोनो पहलमे शामिल होयत।
पुतिनक बयान वैश्विक कूटनीतिमे भारत आ चीनक बढ़ैत भूमिकाकेँ सेहो प्रतिबिम्बित करैत अछि, जे संकेत दैत अछि जे ई दुनू देश यूक्रेन संकटक समाधानमे महत्वपूर्ण भूमिका निभा सकैत अछि।
९ जुलाईकेँ प्रधानमंत्री नरेन्द्र मोदी क्रेमलिनमे रूसक राष्ट्रपति व्लादिमीर पुतिनसँ भेंट कयलनि। प्रधानमंत्री मोदी कहने छलाह जे भारत शान्ति बहाल करबाक लेल हर तरहक सहयोग करबा लेल तैयार अछि। हम अहाँकेँ आ विश्व समुदायकेँ आश्वस्त करैत छी जे भारत शांतिक पक्षमे अछि। काल्हि हमर मित्र पुतिनकेँ शांतिक बारेमे गप्प करैत सुनलासँ हमरा आशा भेटैल अछि। हम अपन मीडिया मित्र सभकेँ बताबय चाहैत छी – ई संभव अछि।
