केंद्र सरकार यूरिया सब्सिडी योजना शुरू कयलक अछि। ई रसायन आ उर्वरक मंत्रालयक केन्द्रीय क्षेत्रक योजना अछि जे खरीफ आ रबी दुनू मौसमक लेल लागू अछि। एहि योजनामे पूर्ण रूपसँ भारत सरकार द्वारा बजटीय सहायता प्रदान कयल गेल अछि। ई जानकारी केन्द्रीय रसायन आ उर्वरक राज्य मंत्री अनुप्रिया पटेल शुक्रदिन लोकसभामे एकटा प्रश्नक उत्तरमे देलनि।
यूरिया सब्सिडी योजनाक तीन घटक अछि अर्थात स्वदेशी यूरिया, आयातित यूरिया आ सामान मालढ़ुलाई सब्सिडी। स्वदेशी यूरिया उत्पादनक लेल यूरिया इकाइसभकेँ स्वदेशी यूरिया सब्सिडी देल जाइत अछि। आयातित यूरिया सब्सिडी देशमे यूरियाक अनुमानित माँग आ स्वदेशी उत्पादनक बीचक अन्तरकेँ पूरा करबाक लेल आयात दिस निर्देशित कयल जाइत अछि। दुनू घटकमे समान माल भाड़ा सब्सिडी नीतिक अन्तर्गत देश भरिमे यूरियाक आवागमन लेल मालभाड़ा सब्सिडी सेहो सम्मिलित अछि।
यूरिया सब्सिडी योजनाक अन्तर्गत वर्तमानमे किसानसभकेँ वैधानिक रूपसँ अधिसूचित अधिकतम खुदरा मूल्य (एमआरपी) पर यूरिया प्रदान कयल जाइत अछि। ४५ किलोक बोरा यूरियाक अधिकतम खुदरा मूल्य २४२ रुपैया प्रति बोरा अछि (नीम कोटिंग आ लागू करक शुल्ककेँ छोड़िकय)। खेत पर यूरियाक वितरित लागत आ यूरिया इकाइसभ द्वारा शुद्ध बाजार प्राप्तिक बीच अंतर भारत सरकार द्वारा यूरिया निर्माता/आयातककेँ सब्सिडीक रूपमे देल गेल अछि।
लोकसभामे केन्द्रीय रसायन आ उर्वरक राज्य मंत्री द्वारा एकटा प्रश्नक उत्तरमे देल गेल जानकारीक अनुसार, वर्तमान यूरिया नीति जकर माध्यमसँ सब्सिडी देल जा रहल अछि ओ नव मूल्य निर्धारण योजना (एनपीएस)-III, संशोधित एनपीएस-III, नव निवेश नीति (एनआईपी)-२०१२ आ नव यूरिया नीति (एनयूपी)-२०१५ अछि। देशक सभ किसानकेँ रियायती दरपर यूरियाक आपूर्ति कयल जा रहल अछि आ एहि तरहेँ ओ एहि योजनाक लाभार्थी छथि।
