लन्दनमे भारतीय उच्चायोग मंगलदिन यूकेक यात्रा करयवला भारतीय नागरिकसभक लेल एकटा परामर्श जारी कयलक। परामर्शमे कहल गेल अछि जे यूकेक यात्रा करयवला भारतीयसभकेँ सतर्क रहबाक चाही आ सावधानी बरतबाक चाही। पछिला सप्ताह उत्तर-पश्चिमी इंग्लैण्डक शहर साउथपोर्टमे तीनटा लड़कीकेँ चाकू मारबाक घटनासँ देश भरिमे हिंसक विरोध प्रदर्शन शुरू भऽ गेल। एकरा देखैत ई परामर्श जारी कएल गेल अछि।
लंदनमे भारतीय उच्चायोग कहलक, “भारतीय यात्री यूनाइटेड किंगडमक किछु हिस्सामे हालक अशान्तिसँ अवगत होयत। लन्दनमे भारतीय उच्चायोग स्थितिपर बारीकीसँ नजर राखि रहल अछि।
भारतसँ आबयवला पर्यटकसभकेँ यू.के. जयबाक क्रममे सलाह देल जाइत अछि जे ओ सावधान रहथि आ सावधानी बरतथि। स्थानीय सुरक्षा एजेंसीसभ द्वारा जारी स्थानीय समाचार आ परामर्शक पालन करबाक सलाह देल जाइत अछि, आ ओहि क्षेत्रसँ बचबाक सलाह देल जाइत अछि जतय विरोध प्रदर्शन चलि रहल अछि।”
