विधि-व्यवस्था अररियासँ यूपीक देवबंद मौलवी द्वारा लऽ जा रहल ९३ बच्चाकेँ पुलिस करेलक मुक्त April 27, 2024 Maithil Punarjagran Prakash अयोध्या * मिथिला क्षेत्रीय बिहारक अररियासँ उत्तर प्रदेशक सहारनपुरक देवबंद मदरसामे लऽ जा रहल ९३ गोट बच्चाकेँ अयोध्या पुलिस जाँचक क्रममे बससँ बचा लेलक। जखन पुलिस बस रोकलक आ पूछताछ कयलक तखन पता चलल जे ई सभ बच्चा बिहारक अररियाक अछि, ओकरा देवबंदक एकटा मदरसामे लऽ जायल जा रहल छल। दरअसल, अयोध्या पुलिस प्रशासनक खुफिया विभागकेँ बच्चा सभकेँ लऽ जाय केर जानकारी भेटल छल। बसमे उपस्थित बस चालक, क्लीनर आ मौलवीसँ पूछताछ कयलाक बाद सभटा मुस्लिम बच्चासभकेँ पुलिस लाइन आनल गेल आ ओकर आधार कार्डक जाँच कयल गेल। बच्चा सभकेँ बिहारसँ यूपी मदरसा लऽ जायल जा रहल छल। फिलहाल अयोध्या पुलिस बिहारक अररिया पुलिस आ सहारनपुर पुलिससँ सम्पर्क कऽ रहल अछि जाहिसँ ई जानकारी भेटि सकय जे एहि सब नाबालिग मुस्लिम बच्चाकेँ सहारनपुर किएक आ कोना लऽ जायल जा रहल छल। एहि मामिलामे पुलिसक बयान एखन धरि सामने नहिं आयल अछि। बसक सफाईकर्मी कहलनि जे हुनका मात्र सामान लोड करबाक लेल कहल गेल छल। ओ बच्चासभक सामान बसमे लऽ गेलाह आ बस अररियासँ सहारनपुर जा रहल छल, तखन बस अयोध्यामे रोकल गेल। बच्चासभकेँ देबवन्द किएक लऽ जायल जा रहल छल, एखन धरि स्पष्ट नहिं अछि। Spread the love
