सोमदिन नव निर्माण मंच द्वारा बंगाली बाजार ओवर ब्रिजक निर्माणक मांग लेल जारी हस्ताक्षर अभियानक 11म दिन बहुत रास लोक एकर करगर समर्थन करैत कहलनि जे ई पुल कोनो कीमत पर अवश्य बनत। आरओबीक निर्माणक लेल हस्ताक्षर अभियान लेल बनगाम स्थित संत परमहंस लक्ष्मीनाथ गोसाई बाबाजी कुटी पर नव निर्माणक नेता रामचन्द्र चौधरी केर नेतृत्वमे १७६३ लोक अप्पन हस्ताक्षर कय समर्थन कयलनि। संगहि मत्स्यागंधा मेलामे ५२८२ लोक हस्ताक्षर कय समर्थन कयलनि।आ कहलक जे जौं ओवरब्रिज जल्दी नहिं बनत तऽ बहुत दुर्भाग्यपूर्ण होयत। वार्ड नम्बर ८ केश्र निवासी मुकेश महतो कहलनि जे, रेल ओवर पुल जरूरी अछि। सरकार केर जल्दसँ जल्द एहि पर ध्यान देबाक चाही। वार्ड नंबर 11 केर निवासी चंदन कुमार कहलनि जे, एहि जामक समस्याक समाधान लेल रेल पुल बनब नितांत आवश्यक अछि। शहरक वार्ड नंबर 28 सहरसा बस्ती निवासी मो.नसीम आलम कहलनि नव निर्माण मंच केर माध्यमसँ एहि अभियानक पूर्ण समर्थन करैत छी। एहि अभियानमे डॉ सुरेंद्र झा, त्रिभुवन प्रसाद सिंह, नरेश जायसवाल, युवा नेता रोहित आनंद, पंकज कुमार पिंटू, निर्मल कुमार मिश्र, अमित कुमार झा, मनोरंजन कुमार खां, प्रवीण सिंह, डॉ. नवनीत सिंह, दिलीप चौधरी, पंकज सिंह, रामचंद्र रावत, साजन राज, महेश कुमार मिश्र, दिलीप सिंह, रमन सिंह, संजीव सिंह, प्रभात प्रमुख, पंकज सिंह, तुषार गुप्ता, नीरज गुप्ता, दीपक पौद्दार, निखिल सिंह, राकेश यादव, प्रशांत सिंह, अभिजीत आनंद, अमित सिंह, रौनक द्वारा सराहनीय भूमिका निर्वहन कयल गेल।
