जिलाक सभ प्रखंडक क्षेत्रीय अधिकारी, राजस्व अधिकारी आ राजस्व कर्मचारीकेँ कुल २५७ लैपटॉप वितरित कयल गेल। जिलाधिकारी अरविन्द कुमार वर्मा राजस्व विभागसँ जुड़ल अधिकारीकेँ लैपटॉप उपलब्ध कराबैत कहलनि जे राजस्व आ भूमि सुधार विभागक निर्देशक आलोकमे लैपटॉप वितरणक काज कैल गेल अछि। ओ कहलखिन जे एहिसँ हुनका काज करबामे सहायता भेटत। राजस्व आ भूमि सुधार विभागसँ जुड़ल विभिन्न काज जेना डिजिटाइजेशन, म्यूटेशन,आरटीपीएस आ जमाबंदी समय पर पूरा कयल जायत। परिमार्जन, जमाबंदीमे सुधार, आधार सीडिंग, दाखिल-खारिज, अभियान बसेरा संबंधित काज समय पर पूरा कैल जायत। एहि अवसर पर अपर कलेक्टर नरेश झा सेहो उपस्थित छलाह।
