भाजपा सांसद आ केंद्रीय मंत्री डॉ. जितेंद्र सिंह सोसल मिडिया पर कहलनि अछि जे शनिक रात्रि रामबन क्षेत्रमे भारी ओला संग वर्षा, तेज हवा चलल आ कतेको ठाम भूस्खलन भेल। एहि प्राकृतिक आपदासँ राष्ट्रीय राजमार्ग बंद भ’ गेल अछि आ दुर्भाग्यवश तीन लोकक मृत्यु भए गेल अछि, जतय किछु परिवारक सम्पत्तिक हानि भेल अछि।
डॉ. जितेंद्र सिंह कहला जे ओ रामबनक उपायुक्त बसीर-उल-हक चौधरीसँ संपर्कमे छथि आ जिला प्रशासनक तत्परता आ सराहनीय कारवाईक प्रशंसा कएलनि, जे कतेको जान बचेलख। संगहि, ओ स्पष्ट कएलनि जे प्रभावित परिवार सभकेँ सभ प्रकारक सहायता देल जा रहल अछि, चाहे ओ आर्थिक होय वा अन्य कोनो मददि। जँ आवश्यकता पड़ल तऽ सांसद निधिसँ व्यक्तिगत रूपसँ सेहो सहायता देल जायत।
जितेंद्र सिंह लोक सभसँ डरय केर बजाय धैर्य रखबाक आ संयम बनाय रखबाक अपील कएलनि। ओ कहला जे हम सभ मिलिकेँ एहि आपदासँ बाहर निकलि जाएब।
जम्मू-कश्मीरक रामबन जिलामे रविकेँ भारी वर्षासँ धर्म कुंड गाम सबसँ बेसी प्रभावित भेल अछि। अधिकारी सब कहलक कि 100 सँ बेसी ग्रामीणकेँ सुरक्षित बचा लेल गेल अछि। नाशरीसँ बनिहाल धरिक जम्मू-श्रीनगर राष्ट्रीय राजमार्ग (NH-44) पर निरंतर वर्षाक कारण अनेक स्थान पर भूस्खलन आ कीचड़ धंसन (मडस्लाइड) केर घटनाक्रम भेल, जाहिमे यातायात दुनू दिसि बंद भऽ गेल अछि। धर्म कुंड गाममे बाढ़ि लगभग 40 घर केर क्षति पहुँचौने अछि। बादल आ वर्षाक बावजूद पुलिस घटनास्थल पर पहुँचिकय बचाव कार्य शुरू कयलक आ फँसल लोक सभकेँ बाहर निकाललक।यातायात विभाग केर एकटा प्रवक्ता कहलखिन कि वर्षा एखनौंह जारी अछि, ताहि लेल यात्रीसँ आग्रह कयल गेल अछि कि ओहि मार्ग पर यात्रा नहि करथि जाधरि रास्ता साफ नहिं होइत अछि आ मौसम सुधार नहिं होइत अछि। स्थिति पर प्रशासनिक टीम सभ निरंतर निगरानी कय रहल अछि आ राहत कार्य जारी अछि।
