गुवाहाटीसँ 10 करोड़ टकाक गाँजा जब्त 

गुवाहाटी समदिया

*

गुवाहाटीक स्पेशल टास्क फोर्स ( एस टी एफ ) अपन एकटा सफल अभियानमे करीब 4,000 किलो गाँजा जब्त केलक अछि जकर बाजारक भाव 10 करोड़ टका आँकल जा रहल अछि। अभियानक दौरान मामिलासँ संबंधित दू गोटेकेँ गिरफ्तार सेहो कायल गेल। मिलल जानकारीक मुताबिक एसटीएफ केर टीम आई भोरे गुवाहाटी बसिष्ठा थानाक अंतर्गत बेहरबारीमे कच्चा रबरक नीचा नुकायल गाँजा लय कय जा रहल एकटा ट्रककेँ रोकलक जाहिमे तलाशीक दौरान करीब 4,000 किलो गाँजा बरामद कायल गेल आ संगहि नशा पदार्थ बेचनिहार दू गोटेकेँ गिरफ्तार सेहो कायल गेल जकर पहचान छियालीस बर्षीय राजू शर्मा आ उनतीस वर्षीय विश्वजीत दासक रूपमे कयल गेल अछि। वर्तमानमे दुनू नशा पदार्थ बेचनिहारसँ पुलिस आवश्यक कानूनी पूछताछ कय रहल अछि।