‘मिथिलाक्षर पक्ष’क दशम दिनक ऑनलाइन कार्यक्रमे अभियानीगणक रंगारंग प्रस्तुति
निज । समदिया
रवि, ०४ अक्टूबरकेँ मिथिलाक्षर साक्षरता अभियानक १३म स्थापना दिवसक उपलक्ष्यमे जारी ‘मिथिलाक्षर पक्ष’क ऑनलाइन कार्यक्रममे दशम दिन अभियानीगण रंगारंग प्रस्तुति देलनि।
सांस्कृतिक कार्यक्रममे प्रदीप कुमार पटनासॅं भगवती गीत ‘पार लगौबये यै मैया’सॅं सुरुआत कयलनि।ओ चारि-पाॅंचटा भगवती गीत आ नचारी बहुत सुंदर ढंगसॅं प्रस्तुत देलनि। तहिना इन्द्र देव चौधरी भगवतीक गीत ‘सुनु हे मैया, लोक गीत मिथिला वर्णन स्वर्गसॅं सुंदर मिथिला धाम आदि चारि पाॅंच टा गीत झमकौआ अंदाजमे प्रस्तुत कयलनि।
सुधीर यादव दिल्लीसॅं सेहो सुंदर-सुंदर भगवती गीत एवं लोकगीतक प्रस्तुति देलनि।
संस्थापक शास्त्रीक सेहो ‘प्रेमी’ रचित ‘जहियासँ गेला सीतापति..’ केर द्रवित करयलाला प्रस्तुति देलनि। संरक्षक शंभु नाथ झा जे दिल्लीसॅं सम्मिलित छलाह हुनकर फरमाइश पर संचालक देवेन्द्र झा एक दुटा हास्य चुटकुला सुलौलनि।कार्यक्रम सोशल मीडिया पर ‘मैथिल पुनर्जागरण प्रकाश’क माधृयमसँ लाइव चलि रहल छल।जाहिमे श्रोता गण सुंदर-सुंदर कामेंट उत्साहित करयवाला छल।
