प्रधानमंत्री सालक पहिल ‘मन की बात’ कार्यक्रममे २५ जनवरीकेँ मनाओल जायवला राष्ट्रीय मतदाता दिवसक सेहो उल्लेख कयलनि। ओ कहलनि जे ई दिन महत्वपूर्ण अछि किएक तँ एहि दिन ‘भारत निर्वाचन आयोग’क स्थापना भेल छल।
रविदिन प्रधानमंत्री नरेन्द्र मोदी कुम्भ मेलाकेँ एकता आ समानता-सद्भावक असाधारण संगम बतौलनि। ओ कहलनि जे हजारो सालसँ चलि आबि रहल एहि परम्परामे कोनो भेदभाव वा जातिवाद नहि अछि। आकाशवाणी पर प्रत्येक मास प्रसारित होबयवला रेडियो कार्यक्रम ‘मन की बात’क ११८म कड़ीमे अपन विचार साझा करैत ओ कुम्भ मेलामे युवाक बढ़ैत भागीदारीक उल्लेख कयलनि।
पीएम मोदी कहलनि जे जखनि युवा पीढ़ी गर्वसँ अपन सभ्यतासँ जुड़ैत अछि तखनि ओकर सभ्यतागत जड़ि मजबूत भऽ जाइत अछि, आ तखनि एकर स्वर्णिम भविष्य सेहो सुनिश्चित होइत अछि। एहि दौरान प्रधानमंत्री २५ जनवरीकेँ मनाओल जायवला राष्ट्रीय मतदाता दिवसक सेहो उल्लेख कयलनि। ओ कहलनि जे ई दिन एहि लेल महत्वपूर्ण अछि किएक तँ एही दिन ‘भारत निर्वाचन आयोग’क स्थापना भेल छल।
प्रधानमंत्री मोदी ‘कुम्भ’, ‘पुष्करम’, आ ‘गंगा सागर मेला’क उल्लेख करैत कहलनि जे ई पाबनि सामाजिक मेलजोल, सद्भाव आ एकताकेँ बढ़ावा दैत अछि। ओ कहलनि जे ई पाबनि भारतक लोककेँ अपन परम्परासँ जोड़ैत अछि।
प्रधानमंत्री कहलनि, ‘दक्षिण, पश्चिम आ हर कोनासँ लोक कुम्भमे अबैत छथि। कुम्भमे धनी आ गरीब सभ एक भऽ जाइत छथि आ सभ गोटे संगममे डुबकी लगबैत छथि। सभ एक सङ्ग भंडारामे भाग लैत छथि। ताहि लेल कुम्भ एकताक महान पाबनि अछि। कुम्भ इहो बतबैत अछि जे कोना हमर परम्परा सम्पूर्ण भारतकेँ एक सङ्ग बान्हैत अछि।
ओ कहलनि जे एहि बेर कुम्भमे युवाक सहभागिता बहुत प्रमुख अछि। ओ कहलनि, ‘जखनि युवा पीढ़ी अपन सभ्यतासँ गर्वसँ जुड़ैत अछि तखनि ओकर जड़ि मजबूत भऽ जाइत अछि, आ तखनि हुनक स्वर्णिम भविष्य सेहो सुनिश्चित होइत अछि।
प्रधानमंत्री कार्यक्रमक दौरान पौष द्वादशीक दिन अयोध्याक राम मन्दिरमे रामललाक प्राण-प्रतिष्ठाक वर्षगाँठक सेहो उल्लेख कयलनि आ कहलनि जे प्राण प्रतिष्ठाक ई द्वादशी भारतक सांस्कृतिक चेतनाक पुनः प्रतिष्ठाक द्वादशी बनि गेल अछि। ओ कहलनि, ‘जेना-जेना हम विकासक पथ पर चलि रहल छी, हमरासभकेँ सेहो अपन धरोहरकेँ एहि तरहेँ संरक्षित करबाक चाही आ ओहिसँ प्रेरणा लऽ कऽ आगू बढ़बाक चाही।
