भाजपाकेँ अति पिछड़ा वर्ग हुंकार सम्मेलनमे उप मुख्यमंत्री सम्राट चौधरी कहलनि कि भाजपा आबादीकेँ मोताबिक आरक्षण देबा लेल जरूर काज करत। ओ कहलनि जे जखनि नीतीश जीक संग एनडीए सरकार बनल छल तखनि भाजपा पिछड़ा आ अति पिछड़ा वर्गकेँ सम्मान देबाक काज कयलक। ओ कहलनि जे ओहिसँ पहिने कांग्रेस आ राजदक समयमे राज्यक जनता गुण्डाक सरकार देखलक अछि।
उप मुख्यमंत्री सम्राट चौधरी कहलनि जे पहिल बेर अति पिछड़ा वर्गकेँ आरक्षणमे शामिल करबाक काज कर्पूरी ठाकुर सरकार द्वारा कयल गेल छल। मुदा कर्पूरी ठाकुर केकरो याद नहि रहल। जँ कियो हुनका याद करैत छल तऽ ओ मोदी छलाह। मोदी जी कर्पूरी ठाकुरकेँ भारत रत्नसँ सम्मानित कए याद कयलनि।
भाजपा अति पिछड़ल वर्गकेँ आगू आनबाक काज कयलक अछि। सम्राट चौधरी कहलनि जे बिहार सरकारमे २१ गोट मंत्री छथि। अहाँके ई जानि आश्चर्य होयत जे २१ मंत्रीमे सँ ७ मंत्री अत्यंत पिछड़ल समुदायसँ अबैत छथि। सबसँ वरिष्ठ छथि प्रेम कुमार जी, रेणु देवी जी आ केदार गुप्ता जी, जे पंचायती राजक मंत्री छथि। मोतीलाल जी कला आ संस्कृति मंत्री छथि। हरि सहनी ओबीसी आ वर्तमानमे पिछड़ल वर्गक मंत्री छथि, विजय मंडल आपदा मंत्री छथि आ सुरेन्द्र मेहता खेल विभागक मंत्री छथि। भीम सिंहकेँ सांसद बनाओल गेल आ तेली समुदायसँ आबयवला धर्मशिला गुप्ताकेँ भाजपा द्वारा सांसद बनाओल गेल। डॉ. प्रमोद कुमार, हरि सैनी, लाल मोहन गुप्ता सहित कतेको आन लोककेँ भाजपा आगू अनने अछि।
सम्राट चौधरी कहलनि, ‘आपसमे बँटवारा नहि करू, नहि तऽ कोनो आओर अहाँक अधिकार छीनि लेत। हम निश्चित रूपसँ अत्यंत पिछड़ा वर्गक लेल आरक्षण 18% सँ बढ़ा 25% करय लेल काज करब। ३७% मे १०% मुस्लिम समुदाय आब २७ प्रतिशत अछि, जँ अहां एनडीए सरकार बनबैत छी तऽ हम निश्चित रूपसँ जनसंख्याक अनुसार आरक्षण देबाक लेल काज करब।
जनतब अछि जे भाजपाक कतेको वरिष्ठ नेता भाजपाक अति पिछड़ा वर्ग हुंकार सम्मेलनमे भाग लेलनि। बैसारमे भाजपाक प्रदेश अध्यक्ष डॉ. दिलीप जायसवाल, उपमुख्यमंत्री सम्राट चौधरी, उपमुख्यमंत्री विजय कुमार सिन्हा, आ केन्द्रीय मंत्री गिरिराज सिंह उपस्थित छलाह। ई आयोजन पटनाक मिलर स्कूल मैदानमे भेल छल।
गिरिराज सिंह कहलनि, “अत्यंत पिछड़ल वर्गक जनसंख्या ३७% अछि, किछु लोक अहाँक १०% जनसंख्याक सङ्ग षड्यन्त्र करैत छथि जाहिमे मुस्लिम समुदाय सम्मिलित अछि। 1990 मे वीपी सिंहक सरकार केकर बल पर चलि रहल छल ? भारतीय जनता पार्टीक बल पर। कांग्रेस, जाहि सङ्ग लालू यादव छलाह, मंडल आयोगकेँ कूड़ेदानमे फेकि देने छल, मुदा भाजपा एकरा लागू कयलक। अहाँ धर्मकेँ बचाबएकेँ काज सेहो करब। धर्म तखने जीवित रहत जखनि समुदाय जीवित रहत, समुदाय तखने जीवित रहत जखनि जाति जीवित रहत। एहि तीनू जातिक रक्षा के करत जाति, समुदाय आ धर्म ?”
रविशंकर प्रसाद कहलनि ‘महाकुंभमे कतेक लोक नहायल, की केकरो जाति पूछल गेल ? की कोनो मण्डली देखल गेल ? हम सभ कुम्भमे गेलहुं, मुदा तेजस्वी यादव किएक नहि गेलाह ?” तेजस्वीकेँ आरक्षणकेँ संबंधमे रविशंकर प्रसाद कहलनि, “जखनि मुलायम सिंहकेँ हटा देल जाइत अछि, अखिलेश यादव अबैत छथि, मुलायम सिंहकेँ परिवारक लोकसभामे पांच सांसद छथि। ई लोक आरक्षणक बात करैत छथि। ओ पिछड़ा वर्गक बात करैत छथि। मुदा सब आरक्षण हुनकर परिवारक लेल अछि। मुलायम सिंहक बाद अखिलेश बाबू पदभार सम्हारताह, चारा घोटालामे लालू जीकेँ हटा देल जायत तऽ हुनकर बेटा पदभार ग्रहण करताह। जँ कोनो दल पिछड़ल आ अति पिछड़ल वर्गक सम्मान करैत अछि तँ ओ भारतीय जनता पार्टी अछि।”
उप मुख्यमंत्री विजय सिन्हा कहलनि ‘राजद लोककेँ भड़काबय आ सामाजिक सद्भावकेँ भंग करय केर काज कयलक अछि। चाहे अगड़ा होय वा पिछड़ा वा दलित, सबकेँ उत्थानक जिम्मेदारी हमर सभक अछि। देश प्रधानमंत्री मोदीक महान मंत्रकेँ अपना लेलक अछि आ सबहक प्रगतिक लेल संकल्प लेलक अछि।”
