लोकसभामे विपक्षक नेता आ कांग्रेस सांसद राहुल गांधी बहिन प्रियंका गांधी वाड्राक समर्थनमे सोशल मीडिया पर पोस्ट पोस्टमे लिखलनि – “हम वायनाडसँ बहिन प्रियंका गाँधीसँ नीक प्रतिनिधिक कल्पना नहि कऽ सकैत छी।”
खास बात ई अछि जे राहुल गांधी वायनाडसँ प्रियंका गाँधीक नामाङ्कनसँ एक दिन पहिने सोशल मीडिया पर पोस्ट कयलनि छथि। प्रियंका गाँधी बुधदिन केरलमे वायनाड लोकसभा उपचुनावक लेल अपन नामांकन दाखिल करतीह। राहुल गाँधी सोशल मीडिया पर एकटा पोस्टर सेहो साझा कयलनि अछि, जाहिमे ओ बहिन प्रियंकाक सङ्ग देखल जा रहल छथि।
राहुल गांधी एक्स पर पोस्ट कयलनि, “वायनाडक लोकक हमर हृदयमे विशेष स्थान अछि आ हम हुनका लेल अपन बहिन प्रियंका गाँधीसँ नीक प्रतिनिधिक कल्पना नहि कऽ सकैत छी। हमरा विश्वास अछि जे ओ वायनाडक आवश्यकताक एकटा कट्टर समर्थक बनल रहतीह आ संसदमे एकटा मजबूत आवाज बनतीह।”
ओ आगू लिखलनि, “२३ अक्टूबरकेँ जखनि ओ वायनाड लोकसभा क्षेत्रक लेल नामांकन दाखिल करैत छथि तखनि हमरासँ जुड़ू। आउ हम सब मिलि कऽ ई सुनिश्चित करी जे वायनाडक प्रतिनिधित्व प्रेमसँ होइत रहय।”
प्रियंका गांधी बुधदिन वायनाडसँ अपन नामांकन दाखिल करतीह। कांग्रेस अध्यक्ष मल्लिकार्जुन खड़गे, यूपीए अध्यक्ष सोनिया गांधी आ राहुल गांधी सेहो उपस्थित रहताह।
राहुल गाँधी केरलक वायनाड आ उत्तर प्रदेशक रायबरेलीसँ लोकसभा चुनाव जीतलनि। जकर बाद राहुल गाँधी रायबरेली संसदीय सीटक प्रतिनिधित्व करबाक निर्णय लेलनि।
प्रियंका गांधी पहिल बेर चुनाव मैदानमे उतरतीह। जँ ओ केरलक वायनाडसँ चुनाव जीतैत छथि तँ ई पहिल बेर होयत जखन गांधी परिवारक तीनू सदस्य संसदमे देखल जायत।
केरलक वायनाड लोकसभा सीटक उपचुनाव १३ नवम्बरकेँ होयत आ परिणाम २३ नवम्बरकेँ घोषित कयल जायत।
