जेडीयूक सांसद गिरिधारी यादव बिहारमे मतदाता सूची पुनर्निरीक्षण केर”तुगलाकी फरमन” जकाॅं टिप्पणी कयलनि तॅं पार्टी हुनका एगो कारण बताउ नोटिस जारी कय देलक अछि। यादव चुनाव आयोग केर कार्यक्षमता पर सवाल उठेने छलाह, जखनि कि जेडीयू पार्टी केर स्थितिक खिलाफ बयान बताबैत अनुशासनात्मक कार्यवाहीक चेतावनी देलक अछि।
बिहारमे मतदाता सूचीमे विशेष गहन संशोधनक बारेमे विपक्षी दलमे असंतोष अछि, मुदा सत्तारूढ़ दल जेडीयू आ भाजपा केर नेता सेहो एकरा लेल असंतोष व्यक्त कयलनि। जेडीयू केर सांसद गिरिधारी यादव बुधदिन बिहारमे मतदाता सूचीक विशेष गहन संशोधनकें “तुगलकी फरमान” केर रूपमे कहलनि। एहि पर काल्हि जेडीयू अपन सांसद गिरिधारी यादवकें कारण बताउ नोटिस जारी कयलक अछि।
पार्टी केर राष्ट्रीय महासचिव अफाक अहमद खान केर हस्ताक्षरित नोटिसमे कहल गेल कि, अहाँकें पता अछि कि अपन चुनावी परिणामसॅं निराश किछू विपक्षी दल चुनाव आयोगकें बदनाम करय केर लगातार अभियान चला रहल छै, खास कय इलेक्ट्रॉनिक मतदान मशीन (ईवीएमएस) केर मुद्दा पर, जेकर एकमात्र उद्देश्य छै कि सार्वजनिक रूपसॅं संदेह पैदा कयल जाय ।
“एही संदर्भमे, ऐहन संवेदनशील मामिला पर अहाँ सार्वजनिक टिप्पणी, खास कय चुनावी सालमे, नहि सिर्फ पार्टी लेल शर्मिंदगीक कारण बनल, बल्कि अनजानेमे विपक्षक निराधार आ राजनीति -प्रेरित आरोपकें सेहो विश्वसनीयता प्रदान करैत अछि। “जेडी (यू) अहाँक आचरणकेँ अनुशासनहीन मानैत अछि आ एहि मामिलामे ई पार्टीक घोषित स्थितिक अनुरूप नहि अछि। तेँ अहाँसँ आग्रह कयल गेल अछि जे ई सूचना प्राप्त करबाक 15 दिनक भीतर अपन उत्तर जारी करू, अन्यथा अनुशासनात्मक कार्यवाही अहाँक विरुद्ध कयल जा सकैत अछि।”
