मुख्यमंत्री नीतीशक प्रगति यात्रा, जे चुनावी वर्षमे शुरू भेल छल, दू मास धरि चलल आ २१ फरवरीकेँ पटनामे समाप्त भेल। यात्रा 23 दिसंबरकेँ शुरू भेल छल। मुख्यमंत्री नीतीश जाहि तरहें सभ जिलामे योजना देलनि अछि ओ चुनावी सालक दृष्टिसँ बहुत महत्वपूर्ण मानल जा रहल अछि। राजनीतिक विशेषज्ञक ईहो कहब छनि जे मुख्यमंत्री एहि यात्राक माध्यमसँ चुनावक तैयारी शुरू कऽ देलनि अछि।
एहि सबहक बीच शनिदिन नीतीश कुमारक निकट मंत्री आ जदयूक वरिष्ठ नेता विजय चौधरी एकटा महत्वपूर्ण बयान देलनि। विजय चौधरी अपन बयानमे कहलनि कि हम कोनो समय चुनावक सामना करय लेल तैयार छी। ई सब तकनीकी मामला अछि। चुनाव आयोग फैसला करत। नीतीशक नेतृत्वमे एनडीए एकजुट अछि। नीतीश कुमारक नेतृत्वमे एनडीए कोनो समय तैयार अछि, चाहे चुनाव होय वा विपक्षक कोनो चुनौती, हम एकर सामना करय लेल तैयार छी।
विजय चौधरीक बयानक बाद आब सवाल उठैत अछि जे की बिहारमे जल्दी विधानसभा चुनाव भऽ सकैत अछि ? ओना ई नवम्बरमे होबए वाला अछि। वास्तवमे ई बयान एहेन समयमे आयल अछि जखनि नीतीश कुमारक प्रगति यात्रा समाप्त भऽ गेल अछि। ओ आगू कहलनि जे दू मास धरि चलल मुख्यमंत्री नीतीश केर प्रगति यात्रा बिहारक विकासक गाथाक यात्रा छल।
जदयू कोटासँ मंत्री विजय चौधरी कहलनि जे जिलामे कयल गेल सभ विकास कार्यक समीक्षा कयल गेल। मुख्यमंत्री विकास परियोजनाक स्थलक दौरा कयलनि आ अधिकारीसभकेँ तत्काल आवश्यक निर्देश देलनि। प्रगति यात्रा मुख्यमंत्रीक पछिला यात्रासँ भिन्न छल। एहि यात्राक क्रममे जिलामे बैसार भेल, जाहिमे सभ प्रतिनिधि भाग लेलनि आ सबहक विचार सुनल गेल। एहि यात्राक प्रभाव आबयवला दिनमे देखल जायत।
